Ezekiela 40:6 - Khumi Common Language Bible

⁶ Naibaly ni ly nisi mang y mo amtheung nai apai katheu mang y chei i, khailei lyn iy salo keh i kheubyn dengdai katheu pa-kho y khrairei pata cham i, ka-sang miu tariurei awm nai avum.

Ezekiela 40:6 ပူးပေါင်းရင်းမြစ်များ

1 ARENG KEH 6:8

Anui keh i takunchy kunra ly Achura Yhm tokalawi mang y awm; pa-nyh hawi pa-thom sambeuchira lyn ai nai khaileichi thei.

1 NENG SATANG 9:18

Nichi ly vaichi khala Levi tai ra y typ nai tamcheaungchi ne. Nisi pa-kho samrang i katheu typ u bo.

1 NENG SATANG 9:24

Achura yhm i nidym nisi, tosyh tokalawi, meingtym palyhrei katheu pa-khochi awm. Huni katheu pa-kho tleirei y tamcheaung lu leaung leaungrei awm.

NEHEMIA 3:29

Immera i chapo Zadok ly my i yhm mo i, mary apai phyrei sa. Naibaly Shekaniah i chapo, nisi apai pa-kho typ nai keung Shemaiah ly mary apai phyrei sa.

SAM 84:10

Nang i Achura yhm y kanirei awm ai nga nai ly meingtym takhra y kani sangrei awm nai tleaung y hawi keh. Tameuh i yhm y katheu pa-kho typ ai nga nai ly khumi aso y nai i yhm y awm nai tleaung y hawi keh nai ne.

JEREMIA 19:2

chy-y ka-kawi mary katheu pa-kho tako prei iy, hinnom leaunghawi mang y chei ai nai leu pei. Huni meingtym y kai ly Areng i leu thui pi ai nai ne.

Ezekiela 10:18

Naibaly Areng i nang parai nai kangvang ly Achura yhm y kun nai pa-kho mang theu iy, heng nai amjychi salo y asyh vui nai ne.

Ezekiela 11:1

Tameuh i phailo ly kai ai ang kateang kalau iy Achura yhm nisi katheu pa-kho mang y ang hawi jo. Katheu pa-kho sahawi y pri i luchi napi nai Azura i chapo Jaazaniah hawi Benaiah i chapo Pelatiah nini abawi rau nai khumi leaung apom phai pangreichi ai kaniu bo.

Ezekiela 40:20

Naibaly ni ly apai angam mang i apai theung y chei nai tosyh pa-kho lam pata cham bo.

Ezekiela 40:22

Kunra takun mang i thaibeng pa-khochi hawi, chamleaung keung myn thiu naichi py, nisi pa-khora i kamta ne teang. Hini pa-kho mang y khailei kheubyn saryhrei lyn ai nai tla. Kachawn keh i kunra takunchy ly apai angam mang y mo tha nai ne.

Ezekiela 40:24

Naibaly huni khumi ly kai ai tokalawi ngan mang y hawi bi i, kaini ly hunira y takhra pa-kho harei niu. Ni ly huni pa-kho theung mang i angpang hawi, kunra i takunchy pata cham bo. Hunichi ly takhra pa-kho hawi takunchi kamta ne.

Ezekiela 40:26

Hunira y khailei kheubyn saryhrei lyn ai nai tla. Huni pa-kho kunra ly angam mang i apai y mo tha nai ne. Lamchy mang y mo tha nai theung mang i dengpangchira y chamleaung keung mynchi thiu.

Ezekiela 40:5

Kai i niu nai ly Achura yhm ne; huni Achura yhm ai apai pahi meuh bo. Pata naira amto syn nai khumi ly miu tariurei sau nai pata naira amto hawi apai pata cham bo. Huni apai ly ka-sang miu tariurei, katho py miu tariurei awm.

Ezekiela 40:7

Katheu kamlem mang y lamchy harei awm; huni lam i langvawi lamtang mang y ly tamcheaungchi i vui amora takunchy thomrei awm akyhkyh. Huni amora takunchy bawibawi ly jengka ameaung i, miu tariurei awm. Amora takun harei hawi harei sala i angpang ly miu pangrei tho nai ne. Hini amora takunchi kamlem y, ka miu tariurei awm nai lamchy harei awm. Huni lamchy ly Achura yhm mang y mo tha nai takun pui harei mang y chei nai lam ne.

Ezekiela 41:16

paichi dengdai thaibeng pa-kho khrairei dengkeaung pjeng pajyn typ bo. Hini thaibeng pa-khochi ai py mym iy khai pajau nai ne.

Ezekiela 42:15

Huni khumi ly Achura yhm theung mang i kakau pata chum baly, kai ai nisi mang i katheu dengdai ang hawi iy, angam mang i kakau pata bo.

Ezekiela 43:1

Huni khumi ly kai ai nisi ngan mang y mo tha nai katheu pa-kho mang y hawi jo nai ne;

Ezekiela 43:17

Sala i sambeu py taki palyhrei awm teang i, jeng ka miu holai palyhrei awm bawibawi teang. Huni sambeu tengpang ka-ki kathiu ly kiupui bi takawrei awm. (Tui lam ly miurei kau.) Maicham y lyn ai nai khailei ly nisi mang y awm.

Ezekiela 43:8

Samrangchi ly mychi i katheu chenghengchi hawi katheu kheutangchi ai, kai i Achura yhm katheu chenghengchi hawi katheu kheutangchira y tabiri iy sa u. Huna nai y kai hawi nichi sala ly angpang harei arai khyh bo. Nichi ly amso ngai hawi nai cheaungkhangchi sa iy, kai i amyn kachai ai thui tamawn u bo. Huna nai y kai ly kado theu i, nichi ai taphra nai ne.

Ezekiela 44:1

Huni khumi ly kai ai Achura yhm meingtym nisi mang y awm nai angam mang i katheu pa-kho mang y ang hawi jo bo. Katheu pa-kho ly kho typ nai ne.

Ezekiela 46:12

“Leng patlum nai kapathypra hawi, leunghawi kapathypra, napi nai katalamrachi ai peang thym nai samrang ly mymy alyly naimy Areng teng y talam ai ngai nai khala, ni i vui nisi pa-kho paeaung pi ai nai tla. Ni my py Anawn kani khala i kamta kapathypra talam ai nai tla. Ni theu ali teang nai bo baly katheu akho teang ai nai tla,” napi.

Ezekiela 47:1

Huni khumi ly kai ai Achura yhm mang y kun nai katheu pa-khora y ang hawi ali teang bo. Tui ly katheu kheutang anui mang dengdairei maicham i tokalawi ngan mang y leaung prei i, Achura yhm mang y mo tha nai nisi ngan mang y leaung jo nai ne.

Ezekiela 8:16

Hunai deaungkho y mymy ly kai ai Achura yhm apai theung y anghawi. Achura yhm y kun nai pa-kho sahawi i maicham hawi dangkhung sala y khumi leaung apom phai pangrei awm. Nichi ly Achura yhm y nithun thun u iy nisi mang y mo tha naimy kani si nai ai chiu u nai ne.