Ezekiela 40:2 - Khumi Common Language Bible

² Paleung mei y niu nai y Tameuh ly kai ai Israela pri mang y anghawi i, mawi ka-sang salo y khai bo. Huni mawi i tokalawi ngan mang y mary harei hawi atawm nai yhmchi kaniu bo.

Ezekiela 40:2 ပူးပေါင်းရင်းမြစ်များ

1 NENG SATANG 28:12

Samrang ly mymy i paran yb nai kamta, Achura yhm ly-umchi hawi ly-um tengpang sahawi i takunchi, Achura yhm vawnsai ateaung alangchi khai naira hawi, Areng teng y talam nai katalamrachi khai nai takunchi i myn py pei pi nai ne.

1 NENG SATANG 28:19

Samrang Davida my, “Hini bawibawichi ly Areng my kai ai sa ai nai leu pei nai kamta tajiu yb nai ne,” napi.

SAM 48:2

Tameuh i mawi pui napi nai Zion mawi ly asang iy, apu parai nai ne; nang parai nai samrang i mary pui ly khaileaung pri khumichi ai amo theu hai bo.

ISAIA 14:13

Nang ly kani mang tym pa-rei lyn iy, asang keh nai ka-sichi salo y nangmy i samrang atehra khai ai nai leu pacheang yb bo. Nang ly tameuh takhrachi akachu u nai tosyh mang i mawi salo y samrang leaungrei kamta ateh ai nai nga ai, nanai athang khai bo.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

Ezekiela 1:1

Phairei saneng, palyh lo, lo si kani pangrei kani y, Buzi i chapo, Pathyp pi nai keung ne nai kai ly pri pala naira avum nai Juda chengchi hawi vanrei, Babulon pri Kheba tavo sahawi y awm nai khala, kani pa-kho am-eaung i, Tameuh my kai ai paleung mei y niu hai nai kaniu bo.

Ezekiela 20:40

Kai i mawi kachainapi nai Israela mawi ka-sang salo y, nangchi bawibawi ly kai ai chiu u ai, nanai kaimy leu pei nai ne. Kai ly nangchi ai kawn ai. Nangchi i talam nai tawnbawichi, hawi keh nai katalamrachi hawi khai takhra nai katalamra kachaichi kang hnei ai.

Ezekiela 37:22

Kai ly nichi ai huni pri Israela mawichira y, pri harei lawm hai ai. Nichi ai peang ai nai samrang leaungrei awm ai. Khumi cheng nyhrei, pri nyhrei awm bi ai ny y.

Ezekiela 41:1

Naibaly huni khumi ly kai ai, meingtym kachai napi nai Achura yhm sala umtang takun mang y hawi i, Achura yhm kunra pa-kho lam pata cham bo. Huni lam ly katho miu tariurei,

Ezekiela 43:12

Achura yhm i vui reita leaungsaichi ly Achura yhm sa nai mawi saleung verei kachai ne,” napi.

Ezekiela 8:3

Ni ly kiu ka-tawm hawi ajang iy kai i sam y theih. Naibaly hini paleung mei y niu nai theung y Tameuh i phailo my ly kai ai ali theung y kateng kalau i, Jerusalem mary Achura yhm tosyh ngan katheu pa-kho mang y ang pahawi nai ne. Hunira y Tameuh i mei a ngai y nai myn harei awm.

DANIELA 7:1

Babulon samrang Belshazar my peang nai angchei saneng y, kai ly vum y paleung mei y niu nai amang amang bo. Huni amang satang ai hina nai kamta, katajiu typ nai ne.

DANIELA 7:7

Kai ly khen nai thym khala y, palyh i mawi kasi ai niu. Huni mawi kasi ly atho len iy jei ai nai hawi parai. Ni i ho kalenchi hawi paleung ka-echi ai kei piupa iy kheu hawi chiu piupa bo. Hini mawi kasi ly takhra mawi kasi hawi atawm y. Ni ly taki horei awm.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

AMTAW 16:9

Naibaly vum y Pawla ly amang kamta Makedonia pri i khumi leaungrei angdo iy, “Makedonia pri y angpeang ly, kaichi ai sabawm ba,” nanai takeng ryry nai niu.

AMTAW 2:17

‘Naibaly Tameuh my, Kangkhym i neng y ly hina nai awm ai. Ngan bawibawi tleaung y kai i Phailo kang lei ai: Nangchi i chapo chaniuchi my py kai i leu thui ai: Nangchi i thawndeangchi my py atiti amteng nai niu ai: Nangchi i miteaung neampachochi my py amang mang y amang ai:

KALATIA 4:26

Na i py salo mang i Jerusalem naini miseaung ny y i, huni kypkyp ly achi i amhm ne.