Ezekiela 40:1 - Khumi Common Language Bible

¹ Huni kani ly achi pri palara avum nai bo i, saneng apom phai pangrei, saneng kangtha kani horei kani, Jerusalem mary y peang vui nai saneng holai palyhrei neng alyp nai kani ne. Huni kani y kai ly Areng i sa thai naira my khiu nai avum chum baly, mymy ly kai ai hawi jo nai ne.

Ezekiela 40:1 ပူးပေါင်းရင်းမြစ်များ

THEU NAI 12:3

Israela cheng bawibawichi teng y hina nai leu pei; hini lo kani horei kani y yhmdeaung tleirei beram cho ny y baly mi-i cho ha harei khai u takhra bawibawi sy, nanai Israela cheng theaung verei ai thui pi.

THEU NAI 12:41

Saneng chungvai palyh pa-ngo phairei kheih nai huni kani Areng i khumi Israela chengchi ly Aikupta pri i nai theu u bo.

THEU NAI 40:2

“Areng i Tabynako ly angchei i lo, angchei i kani y tahyh pi ai nai tla.

Ezekiela 11:24

Paleung mei y niu nai theung y, Tameuh i phailo ly kai ai kateang kalau iy, pri palara avum nai khumichi awm nai Babulon pri mang y ang tha ali teang. Naibaly paleung mei y niu nai ly jum dudu bo.

Ezekiela 29:17

Achi pri pala naira avum nai saneng apom phai saryhrei saneng, angchei i lo, lo si kani harei kani y Areng i leu ly kai teng y tym bo.

Ezekiela 3:14

Areng ly sa thai naira len parai nai hawimy kai i tlang tleaung y tym iy, phailo my kai ai hawi jo nai khala, kai ly paleung phra, kado theu naimy abang bo.

Ezekiela 3:22

Kai ly Areng i sa thai naira haiho avum i, mymy ly kai teng y, “Angthau ly leaunghawi theung mang y chei ba; huni meingtymra nang teng y leu kang pei ai,” nanai leu raawi thai bo.

Ezekiela 32:1

Achi pri palara avum nai saneng holai nyhrei saneng, lo holai nyhrei, lo si kani harei kani y, Areng i leu ly kai teng y tym.

Ezekiela 32:17

Achi pri palara avum nai saneng holai nyhrei saneng, angchei i lo, lo si kani holai pangrei kani y, Areng i leu ly kai teng y tym.

Ezekiela 33:21

Achi pri palara avum nai saneng holai nyhrei saneng, lo horei, lo si kani pangrei kani y, Jerusalem mary i dengdairei tleaung nai khumi leaungrei ly ang jeu iy kai teng y paleung ka-e i kiu y Jerusalem mary tym vui nai satang ang thui pi bo.

Ezekiela 37:1

Areng i sa thai naira ly kai ai ang khiu i, mymy i phailo my kai ai hawi jo iy, hiuchi kawi nanai leaunghawira y ang khai bo.

Ezekiela 8:1

Kaichi pri palara avum nai tariu saneng, tariu lo, pa-ngo kani y Juda cheng luchi ly kai i yhm y ateh u iy, kai hawi leu arum nai thym khala y sa thai naira awm nai Areng i sa thai naira ly vaimy kai i tlang tleaung y tym bo.

AMTENG HAI NAI 1:10

Kai ly Areng i kani y ly Phailo y kalawn bo, naibaly kai i nithun mang y baw katyn ka-tawm raawi pajeng parai nai ly,