Ezekiela 4:2 - Khumi Common Language Bible

² Naibaly huni mary y paleung ka-echi my katanmeuh nai leaungsai sa ai nai amkeu, abyhra angawmchi, tavai tairachi hawi amtangrachi panawi nai dengkeaung beang puichi iukhi ka-ki khai ba.

Ezekiela 4:2 ပူးပေါင်းရင်းမြစ်များ

2 SAMUELA 20:15

Naibaly Juaba i khumichi py tym u i, mary theung y Seba aheu nai satang thai nai deaungkho y, mary ai katan u meuh bo. Nichi ly mary angam mang i apai ra abiri iy abyhrachi sa u i, mary apai anawi hai ai nai apai kheutang khaileaung tai u.

ISAIA 22:7

Paitiu khuta hawi nai Juda leaunghawichi ly keaungngo ka-richi kawi mang na iy, keaungngo atang nai risachi ly Jerusalem mary apai katheu pa-khochira y angdo u nai ne.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 33:4

Jerusalem mary i yhmchi hawi Juda samrang i yhmchi ly katanmeuh iy tiu naira avum nai deaungkho y phra ai, nanai Israela chengchi i Tameuh kai, Areng my leu pei nai ne.

JEREMIA 52:4

Juda samrang Zedekiah i peang nai takawrei saneng, lo horei, kani horei kani y, Babulon samrang Nebukhadnezar ly mymy i tavaimi risa bawibawichi hawi vanrei, Jerusalem mary y tiu ai nai amsa u bo. Nichi ly mary angam mang y kheucha sa iy, mary ka-ki abyhra angawmchi tai u nai ne.

JEREMIA 6:6

Ati cheaungkhang sa thai nai keung Areng ly hini samrangchi teng y, Jerusalem mary ai katanmeuh pajau ai nai dengkeaungchi paliu iy, abyhra angawmchi sa ai nai leu pei bo. Mymy ly “Hini mary ly pahyp y naimy ana nai kawi nanai deaungkho y, kai ly hini mary ai kapajeng ai.

Ezekiela 21:22

Huna nai khala, ‘Jerusalem,’ nanai tajiu nai ka-ma-ra thaicheng ly ni i lamtang kiu y tym bo. Huni thaicheng ly ni teng y mary apai taphra ai nai dengkeaung beangpuichi tai iy tiu ai nai leu pei nai tavai kachyh nai katyn aeu ai nai py, katheu taphra ai nai dengkeaung beangpui ai py, abyhra khaileaungchi taphum nai hawi abyhra amkeuchi tai ai nai py thaicheng my patei ai.

Ezekiela 21:27

Kai ly Jerusalem mary phra seaungkhrang hai ai, phra seaungkhrang hai ai. Phra seaungkhrang hai ai. Na i py huni mary ai peang nai yhmkeung tym y nai ryrei ly huni mary ai palum teang ai ny y; huni khumi teng y kaimy au ai.

Ezekiela 5:2

Phyrei ai ly Jerusalem mary y katanmeuh nai neng tem nai khala mary theung y mai veang. Takhra phy harei ai lo ly mary theung y amki iy haisau hawi tawpbaw pawn. Vai phy harei ai ly ali theung y pakheang veng. Kai ly huni phyrei ai pareng iy haisau hawi kalei ai.

DANIELA 11:15

Hunai deaungkho y Suria samrang ly khaw parai nai mary ai katanmeuh iy tiu vui ai. Aikupta tavaimi risachi ly tavai tiu u bi ai ny y. Nichi theung i vawi patyp nai tavaimichi malawn py, amtang pajau ai nai atho by y.