Ezekiela 39:5 - Khumi Common Language Bible

⁵ Nangchi ly adym angdengra y dei ai. Hini ly sa thai nai angym nai kai, Areng my leu pei nai ne.

Ezekiela 39:5 ပူးပေါင်းရင်းမြစ်များ

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

JEREMIA 22:19

Keaungngo kano kasau kadei ai veu pavum nai kamta, ni ai ryh iy, Jerusalem mary apai angam mang y aphi u vui ai,” nanai ne.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

Ezekiela 29:5

Naibaly huna nai akau mang nai ngochi hawi vanrei, nang ai Naing tavo theung i nai ryh piu iy, daichi ka-vym y aphi su ai. Nang i veu ly khaileaung y tla ai, up ai ny y. Tavochi hawi mawichi i teicha lawm hai ai.

Ezekiela 32:4

Naibaly kacheng y takhyh hai iy angdym mang y ryh ai. Khaileaung pri y awm nai tavochi hawi daichi mawichi i teicha lawm ai.

Ezekiela 35:8

Mawichira y khumi veuchi hawimy kawi hai ai. Tavai keung y dei nai khumichi i veu ly mawi aheungchi, tavo micheaungchi, leaunghawichira y kawi cheng na ai.

Ezekiela 39:4

Koka hawi tavaimi kanghuchi py, ni i amsawi amnaichi py, Israela mawichi saleung y dei u ai. Kai ly nichi i veu ai tavo kasichi hawi daichi mawichi i teicha lawm hai ai.

Ezekiela 39:6

Kai ly Makoka pri hawi khumichi tlamsa naimy awm nai pangli peang jeungrei mai kang hai ai. Huna nai khala kai ly Areng ne, nanai khumi lutengchi my pany u ai.