Ezekiela 39:4 - Khumi Common Language Bible

⁴ Koka hawi tavaimi kanghuchi py, ni i amsawi amnaichi py, Israela mawichi saleung y dei u ai. Kai ly nichi i veu ai tavo kasichi hawi daichi mawichi i teicha lawm hai ai.

Ezekiela 39:4 ပူးပေါင်းရင်းမြစ်များ

ISAIA 14:24

Ati cheaungkhang sa thai nai keung Areng my vaineng abeu iy leu pei nai ly “Kai i dawn pasym yb naichi ly tym ai. Leu pacheang yb nai kamta ly tym takengkei ai.

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

JEREMIA 15:3

Nichi i tlang tleaung y ka-jeira hawi parai nai sai palyhrei katym hai ai nai, kai Areng my leu pacheang yb nai bo. Nichi ly tavai keung y dei u ai. Nichi i veuchi ai uichi my tawn ai. Huni kadei veuchi ai tavochi my patiu ai. Huni bo i nai ly mawi kasichi my cha ai.

JEREMIA 25:33

Huni kani tym nai khala ly Areng my padei nai khumichi i veuchi ly khaileaung pri verei y ahei ai. Nichi i vui ami py paleung si hai ai ny y; veuchi py la iy up ai ny y. Huni veuchi ly si eichi pakheng achu nai kamta, khaileaung salo y awm ai.

Ezekiela 29:5

Naibaly huna nai akau mang nai ngochi hawi vanrei, nang ai Naing tavo theung i nai ryh piu iy, daichi ka-vym y aphi su ai. Nang i veu ly khaileaung y tla ai, up ai ny y. Tavochi hawi mawichi i teicha lawm hai ai.

Ezekiela 33:27

“Kai ly Tameuh kangheng ne tatang; hunai y phra seaungkhrang nai marychira y awm nai khumichi ly tleh naira avum u ai, nanai sa thai naira angym nai kai, Areng i pany hai nai leu nichi teng y thui pi. Daichi avangchira y awm nai khumichi ly daichi mawichi i teicha lawm ai. Mawichi hawi tapiuchira y aheu nai khumichi ly no-na y dei u ai.

Ezekiela 35:8

Mawichira y khumi veuchi hawimy kawi hai ai. Tavai keung y dei nai khumichi i veu ly mawi aheungchi, tavo micheaungchi, leaunghawichira y kawi cheng na ai.

Ezekiela 38:21

Kai ly ka-jeira cheaungkhangchi hawi Koka ai kaso theu hai ai. Hini ly sa thai naira angym nai kai, Areng i pei nai leu ne. Ni i khumichi ly mychi tengtawi atleh u ai.

Ezekiela 39:5

Nangchi ly adym angdengra y dei ai. Hini ly sa thai nai angym nai kai, Areng my leu pei nai ne.

NAHUM 3:3

Keaungngo atang nai risachi ly athorei my tiu u i, nichi i haisauchi hawi tivichi ly angvang thlithlup na! Kati pajau y na pa-rei nawi nanai khumi kadei veuchi ly apeung su na bo. Khumichi py huni veuchi salo y atlym u na bo.