Ezekiela 38:4 - Khumi Common Language Bible

⁴ Kai ly ni ai pahi iy ni i kajai y tamo leangkhawnchi hawi vawn iy, ni i tavaimichi hawi vanrei ryh jo ai. Ni i tavaimichi ly keaungngochi, ateaung ka-tawmri keaungngo atang nai tavaimichi kawi angym naimy, khri pa-rei hubai nawi na. Tavaimi ngireichi py khupui katheang kalen hawi, haisauchi pa u nai ne.

Ezekiela 38:4 ပူးပေါင်းရင်းမြစ်များ

2 ARENG KEH 19:28

Nang i kado theu nai hawi paleung len naichi py, kai ly thai bo. Hunai deaungkho y kai ly nang ai nodo pheu, labeaung pakau iy jeu nai lam mang vawi hai ali teang ai,” napi.

1 NENG SATANG 12:8

Davida ly khutaha daichi ka-vym amtangra y awm nai thym khala, ni i tavaimichi theung y kun u nai amyn amthang nai risachi ly anui mang ichi ne. Nichi ly khrangsi kamta ka-jei awm iy, khupui hawi tivi teaung naira y amyn amthang. Mawi tleaung i sisiu kamta rang parai nai ne.

2 NENG SATANG 25:5

Samrang Amazia ly Juda hawi Benjamin theaung bawibawichi teng y, mychi nupai kamkawm akachu iy, khumi leaung sangrei tavailu hawi leaung chungvairei tavai luchi khai pi bo. Huni risachi ly saneng apomrei hawi leng awm naichi ne i, bawibawi leaung 300,000 rei awm. Nichi ly tivi hawi khopuichi teaung kawp iy, tavai atiu ai nai angveirym nai hawi vawi patyp nai risachi ne.

ISAIA 37:29

Nang i kado theu nai, amlyh am-e naichi ai kai ly kapany nai ne. Hunai deaungkho y kai ly nang ai notareang pakau iy labeaung pakau chum baly, jeu nai lam mang kang vawi hai ali teang ai.”

ISAIA 43:17

Mymy ly tavai ka-ri, tavai keaungngochi hawi atho ham parai nai tavaimi kamkawmchi ai phra hai pawn bo. Nichi ly maisi yhmra i mai ai padei vui nai kamta, ang thau teang thai y na pa-rei atlym u be bo!

JEREMIA 46:9

Keaungngochi lyn u; ka-richi awi, athorei my amli u! Khupui syn nai Ethiopia neampachochi hawi Libia neampacho, Juda neampacho thailiho syn nai tavaimichi awi, tavai thau u jau,’ nanai thui bo,” nanai Areng my leu pei nai ne.

Ezekiela 23:12

Ni py sadi na iy atawm riri nai ateaungchi amthyp nai Asuria samrang i bangtangchi hawi, keaungngo kamkawm tavailuchi i vui kamleaung paleung khei y. Nichi bawibawi ly mo-cha hawi iy hawithymchi ne.

Ezekiela 29:4

Kai ly nang i kajai y tamo leangkhawn hawi vawn iy, nang i tavo theung i ngochi ai nang i tlangra y akau hai ai.

Ezekiela 38:15

nang ly nangmy i awm nai tosyh ngan mang dengdairei amsa ai. Khumi cheaungkhang abawi iy atho len nai keaungngo atang nai tavaimi risa kanghu pui hawi tavai thau ai;

Ezekiela 38:3

sa thai naira angym nai kai, Areng ly ni i paleung ka-e ne nanai thui pi.

Ezekiela 39:2

Kai ly ni ai amhi hai iy ryh vui ai. Israela mawichira tym pa-rei tosyh ngan dengdairei kahawi ai.

Ezekiela 39:20

Kaimy sa pi nai cha nei pawira y nichi ly keaungngochi hawi keaungngo atang nai risachi, tavaimichi hawi tavai keung y abawi naichi i ngan cha ai nai nga u ai. Hini ly sa thai naira angym nai kai, Areng my pei nai leu ne,” napi.

DANIELA 11:40

“Suria samrang my peang nai deung tlum nai neng kasa nai khala y, Aikupta samrang ly huni samrang ai tavai tiu ai. Suria samrang my py keaungngo atang nai risachi hawi, keaungngochi, sampho neangneang teaung iy, atho sa naimy tiu teang ai. Ni ly lem heung nanai tavo tiu kamta, pri neangneangchira kun iy peang vui ai.

AMOS 4:2

Salo keh Areng ly chai parai nai deaungkho y, hina nai vaineng adeu bo. Areng my, “Nichi ly nangchi ai sakawi hawi athorei my ryh nai kanichi tym ai. Nangchi bawibawi ly sakawira man nai ngo kamta lawm u ai.