Ezekiela 38:2 - Khumi Common Language Bible

² Mymy ly “Nang khumicho awi, Makoka pri, Mesheka hawi Tubal khumi chengchi i peang nai keung kalen keh samrang Kob ai thui tamawn iy,

Ezekiela 38:2 ပူးပေါင်းရင်းမြစ်များ

ATITI AWM ANGCHEI NAI 10:2

Japheth i chapochi ly Koma, Makoka, Madai, Javan, Tubal, Mesheka hawi Tirsachi ne. Nichi ly nichi i amyn angam nai khumichi i amsi pajochi ne.

1 NENG SATANG 1:5

Japheth i chapochi ly Koma, Makoka, Madai, Javan, Tubal, Mesheka hawi Tirachi ne i, hunichi ly mychi i amyn pathi nai chengchi i amsi pajochi ne.

SAM 120:5

Kai, nangchi hawi awm nai ly Mesheka pri y awm nai kamta py, Kedarkhumichi hawi vanrei awm nai kamta py, hawi y keh nai ne.

ISAIA 66:19

pri kamlochi, napi nai Tashu pri, Libia pri hawi thailiho kawp keh nai khumichi awm nai Luda pri y py, Tubal pri hawi Krik pri y py, kaimy pato ai. Nichi ly huni pri i khumichi teng y, kai i sa thai naira nang parai nai satang thui ai.

Ezekiela 2:1

“Nang khumi cho awi, ang thau jau. Nang ai leu kang thui pi ai,” napi.

Ezekiela 20:46

Mymy ly “Nang khumicho awi, tokalawi ngan mang y khen angdeang iy, huni meingtym hawi huni meingtym y awm nai dengkeaung thengreung teng y leu pei nai thui pi.

Ezekiela 25:2

Mymy ly “Nang khumicho awi, Ammon pri mang y hi iy amo leu katheu naimy thui tamawn ba.

Ezekiela 27:13

Javawn mary, Tubal mary hawi Meshe marychira y nang i vawnsaichi ai, miseaungchi, kheupaja laawmchi hawi katheung u.

Ezekiela 32:26

“Mesheka hawi Tubal nini ly myni i tavaimi tapreaungchi my katanmeuh nai, huni meingtym y awm. Nichi bawibawi ly lengkhym takip y naimy tavai keung y dei u iy, tavau pri y ang vum kathiu u nai ne. Na i py nichi ly vaichi khala heng nai khumichi ai jei hyn hai nai khumichi ne.

Ezekiela 38:1

Areng i leu ly kai teng y tym.

Ezekiela 38:14

Hunai deaungkho y sa thai naira angym nai Areng ly Koka teng y thui pi ai nai kai ai pato bo; “Kai i khumi Israela chengchi tlamsa naimy awm nai thym khala,

Ezekiela 38:3

sa thai naira angym nai kai, Areng ly ni i paleung ka-e ne nanai thui pi.

Ezekiela 39:1

Sa thai naira angym nai Areng my, “Nang khumicho awi, Misheka hawi Tubal chengchi i len keh nai samrang Koka ai thui tamawn ba. Kai ly ni i paleung ka-e ne, nanai thui pi.

Ezekiela 39:11

Areng my, “Hini atitichi tym nai khala, Koka teng y Israela pri pangli kadei nisi vai mang y awm nai lamdeu leaunghawira, tapreaung meingtym harei kapei ai. Hunira y Koka hawi ni i tavaimi bawibawichi ai up nai deaungkho y, khuleaung chei naira lam by y vui na ai. Huna nai y huni leaunghawi ly Koka tavaimi leaunghawi, nanai amyn loh ai.

Ezekiela 39:6

Kai ly Makoka pri hawi khumichi tlamsa naimy awm nai pangli peang jeungrei mai kang hai ai. Huna nai khala kai ly Areng ne, nanai khumi lutengchi my pany u ai.

Ezekiela 6:2

Mymy ly kai teng y, “Nang khumi cho awi, nang ly Israela mawichi ai khen iy nichi teng y kai i leu pei naichi thui pi.