Ezekiela 38:16 - Khumi Common Language Bible

¹⁶ kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

Ezekiela 38:16 ပူးပေါင်းရင်းမြစ်များ

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

THEU NAI 14:18

Huna nai samrang hawi ni i tavaimichi ai eaung nai deaungkho y, kai ly Areng ne, nanai Aikupta chengchi pany u ai,” napi.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 29:23

Nangchi ly kaimy kang pei ai nai cho chanauchi niu u ai. Huna nai khala y kai ly Israela chengchi i chai parai nai Tameuh ne, nanai nangchi pany u ai. Kai ai tahm pateng iy tahm khai naimy jei u ai.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

ISAIA 8:13

Ati cheaungkhang sa thai nai keung Areng ly kachai ne, nanai tami vui moh. Nang i jei ai nai khumi ly kai ne.

Ezekiela 20:41

Nangchi ai ahei akyhkyh nai prichira i dengdairei, kaimy nangchi ai pangym ali teang nai bo y, nangchi leng patlum nai mui katui hawi vanrei nangchi ai kang kawn pi ai. Kai ly chai parai nai ne, nanai khumi cheng cheaungkhangchi my niu u ai.

Ezekiela 28:22

Huni mary i khumichi teng y sa thai naira angym nai kai, Areng i leu pei nai amti pi. Sidon mary awi, kai ly nang i paleung ka-e ne. Nang i tlang tleaung y kai i sa nai saichi molam y, khumichi ly kai ai palo u ai. Kai ly nang i khumichi ai pajeng iy kai i chai nai sai patei nai khala, kai ly Areng ne, nanai nichi pany u ai.

Ezekiela 36:23

Khumichi i mo y nangchi my tahm khai y nai, kai i nang parai nai amyn kachai ly mana tanrei chai mo, nanai khumi cheng cheaungkhangchi teng y kapatei ai. Nichi i mo y kai ly kachai ne, nanai nangchi ai teaung iy pany hai ai. Huna nai khala kai ly Areng ne, nanai nichi pany u ai. Hini ly sa thai naira angym nai kai, Areng i pei nai leu ne.

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

Ezekiela 39:21

Areng my, “Khumi cheng cheaungkhangchi ly kai i nang parai nai haiho niu u ai. Kai i ka-dyh ka-dawi tara chih naichi leu pacheang naira y, kai ly kaimy i sa thai naira ai ati mana teaung mo, nanai nichi teng y patei pi ai.

Ezekiela 39:27

Kai ly chai parai nai keung ne, nanai khumi cheng cheaungkhangchi pany u ali teang ai nai, kai i khumichi ai paleung ka-echi awm nai pri tleirei i nai kapahawi ali teang ai.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

DANIELA 10:14

Vai, kai kang jeu nai aly ly mo mang i neng y nang i chengchi avum u ai nai leaungsaichi, nang teng y pany hai ai nai molam y ne. Hini paleung mei y niu nai ly mo mang i vui ne,” napi.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

JOELA 3:11

Tengpang sahawi y awm nai khumi cheng cheaungkhangchi awi, jeu u kaliki iy, leaunghawira y angym u,’ napi. Aw Areng, huni khumichi ai tiu ai nai nang i tavaimi kamkawm ai pato ba.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

Leu Thui Nai 31:29

Kai dei nai bo y hini khumichi ly khumi hawi y naichi lawm u ai i, kaimy patiu pi nai ngiereichi khai su ai, nanai kai kapany. Vai mo mang y nichi ly Areng my paka nai hawi y naichi sa u nai deaungkho y, kado theu hai ai i, nichi ly ka-jeira avum u ai,” napi.

I TIMOTHEI 4:1

Na i py vai momang y ly phyrei khumichi ly ka-chawi thui naichi i tapawp naira deaungkho y tamang hai nai phailochi hawi,

II TIMOTHEI 3:1

Hini ly dawn ba. Kani kangkhym khala y ly neng rai parai nai tym takengkei ai.

AMTENG HAI NAI 20:9

Naibaly nichi ly khaileaung pri y tako angeng u i, khumi kachaichi i awm naira y hawi, avang pui ngai parai nai py katan u vui bo: naibaly kani mang i dengdairei mai tla iy nichi ai kang bebe bo.