Ezekiela 34:3 - Khumi Common Language Bible

³ Nangchi ly kanu nei, beram mui akhiu iy veung hawi nai beramchi tleh u, cha u nai ne. Na i py beramchi ai ly kry u y.

Ezekiela 34:3 ပူးပေါင်းရင်းမြစ်များ

ZEKHARIAH 11:16

Kai ly kaimy i beram kanghuchi i vui typ keung leaungrei khai pi i py, ni ly deira avum nai beramchi ai sabawm y; tama nai beramchi ai hau y; tamo nga nai beramchi ai hawi so pi y; dei kamthum beramchi ai py pacho y. Huna nai sa ai nai tleaung y ly veung hawi nai beram ngan cha iy, muikenchi py takheaung nai ne.

ZEKHARIAH 11:5

Beram yhmkeungchi my huni beramchi ai tleh nai ly mana khala py kamngo tlo u y. Nichi ly beram mawi jo iy, ‘Kaichi ly nang chawn bo! Areng ly nang parai nai awm sy!’ beram typ keungchi malawn py mychi i beramchi ai pahen u y,” napi.

Ezekiela 19:6

Ni ly tleaungri acheang iy atho awm nai khala, takhra khrangsichi hawi vanrei teicha hau ai nai amki naimy, amso mawi kei kawp ai nai amtiu iy, khumi ngan cha nai khrangsi lawm teang.

Ezekiela 19:3

Amso mawichi kei kawp thai ai nai patiu pi nai deaungkho y, khrangsi cho ly len ryh i, khumi ngan cha nai khrangsi lawm bo.

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

AMOS 6:4

Kasai nuh kadangchira y aseaung nai khumichi awi, beramcho, sichochi i ngan kanau cha iy, pangpaho nibai tleaung y aseaung naimy akeng anam pataw nai khumichi awi, nangchi i vui ka-jei awm nai neng kani lawm ai!

LEU KACHENG 30:14

Phyrei khumichi ly kamawn kateuchi tlang tleaung y pahyp y naimy kho sa iy, mychi apacho pajau ai nai sa u reng nai ne.