Ezekiela 32:7 - Khumi Common Language Bible

⁷ Nang ai kang tamyh nai neng khala, kai ly kani khusang khiu vui iy ka-si taukichi tama hai ai. Kanito py khupanym my deng hai vui ai. Lo py kangvang pei ai ny y.

Ezekiela 32:7 ပူးပေါင်းရင်းမြစ်များ

JOBA 9:7

Tameuh ly kani si hai y ai nai hawi, ka-si taukichi avang hai y ai nai sa thai naira awm.

LEU KACHENG 13:9

Leu meitang teaung nai khumichi ly angvang teaung nanai kangvang hawi atawm; khumi hawi y naichi ly jumryh jumryh reng nai maisi yhm hawi atawm.

Parip nai leu 12:2

Nangchi miteaung acheang u nai khala y kanito, lo, ka-sichi kangvang ly nangchi i vui kangvang jum ryh ai; khupanymchi py veng khiu jo ai.

ISAIA 13:10

Ka-si tauki bawibawichi ly angvang y naimy awm ai. Kani si nai khala veng naimy awm ai. Lo py kangvang pei ai ny y.

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

JEREMIA 13:16

Nangchi i Areng Tameuh ly kani dym hai nai deaungkho y, nangchi ly mawi salo y athei iy, atlym y rai khala y hawi, mymy ly nangchi ajeng nai kangvang ai kaveng palawn y rai khala y py, nangchi ly Areng Tameuh ai palo u.

Ezekiela 30:18

Aikupta pri i sa thai naira haiho jum hai nai khala, nichi i amlyh am-e nai sorai paleung tama hai ai. Taphan mary ly veng naimy awm ai. Aikupta pri y khupanym my khiu cheng i, mary bawibawichira i khumichi ly langheng y hawi pawn nai avum u ai.

Ezekiela 30:3

Areng my bawi la ai nai kani ly kasa bo; khupanymchi my khiu ai nai kani, khumi cheng cheaungkhangchi patang ai nai kani kasa bo.

Ezekiela 31:15

Sa thai naira angym nai Areng my leu pei nai ly: “Tavau pri y saitleang keung ang vum nai kani y, kai ly khaileaung theung i tavo tuichi my huni ai um hai iy, vo tangam nai ka-ma-ra lawm hai ai. Kai ly tavochi ai anawn hai iy tavo micheaungchi ai tui leaung hai y ai. Huni saitleang keung ly dei nai deaungkho y, kai ly Lebanon mawichi ai kaveng tym hai iy, daichi theung i dengkeaung bawibawichi jeirawm hai ai.

JOELA 2:10

Nichi ang jeu nai neng khala, kaleih theu. Kani khusang py amchyh neung na. Kanito hawi lo ly veng na bo i, ka-si taukichi py angvang y bo.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

JOELA 3:15

Kanito hawi lo ly veng ai i, ka-si taukichi py angvang ai ny y leang bo.

AMOS 8:9

Kai ly huni kani y kanithun teng nai khala kani dym hai ai i, kanithun nai khala my khaileaung pri verei, kaveng my khiu hai ai, nanai kai sa thai naira angym nai Areng my leu pei bo.

MATTHAI 24:29

“Na i py huni neng patang nai bo y ly kanito ai ly veng hai ai i, lo py angvang y leang bo, ka-sichi py kani mang i dengdairei tla ai i, kani mang i atiti sa thai nairachi ai ly ahyn hai ai;

MARKA 13:24

“Na i py huni neng khala y huni patang nai bo y ly kanito ai ly veng hai ai i, lo py angvang y leang bo;

LUKA 21:25

Naibaly kanito y py, lo y py ka-si y py ka-ma-ra awm ai, pangli tui kamsau hawi, tui sampyh len nai deaungkho y khaileaung pri y py cheng cheaungkhangchi teng y patang naira hawi, paleung bi naira py tym ai;

AMTENG HAI NAI 8:12

Naibaly kani pri i amtaw thau nai palyh i nai ly eng i, kanito phy thomrei y phyrei hawi, lo phy thomrei y phyrei hawi, ka-sichi phy thomrei y phyrei py chau bo; hunaibaly nichi phy thomrei y phyrei ly kaveng lawn veng bo; kanithun py phy thomrei y phyrei ly angvang y, vum py hunai kamta ne teang.