Ezekiela 32:30 - Khumi Common Language Bible

³⁰ “Tosyh mang i samrang i chapochi hawi Sidon mary i khumichi py huni meingtym y awm; vaichi khala mymychi i sa thai naira hawi khumi takhrachi ai jei hyn na pa-rei sa u teu i py, vai ly tavai keung y dei nai khumichi hawi vanrei tahm by y naimy dei iy, lengkhym takip y nai khumichi hawi vanrei tavau pri y ang vum i, tahm by y bo.

Ezekiela 32:30 ပူးပေါင်းရင်းမြစ်များ

JEREMIA 1:15

Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

Ezekiela 26:20

Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

Ezekiela 28:10

Nang ly tameuh by y nai cheng takhra khumichi i kiu y, ui kamta dei ai. Hini ly sa thai naira angym nai kai, Areng i leu pei nai ne,” napi.

Ezekiela 28:21

“Nang khumicho awi, Sidon mary mang y hi ly huni mary ai thui tamawn ba.

Ezekiela 28:23

Kai ly nang teng y no kanghawi pato ai. Nang i lamra y thi leaung hai ai. Nang ai katanmeuh iy ang tiu u ai i, nang i khumichi ly dei u ai. Huna nai khala kai ly Areng ne, nanai nang pany ai,” napi.

Ezekiela 38:15

nang ly nangmy i awm nai tosyh ngan mang dengdairei amsa ai. Khumi cheaungkhang abawi iy atho len nai keaungngo atang nai tavaimi risa kanghu pui hawi tavai thau ai;

Ezekiela 38:6

Koma pri tosyh mang i Beth Tokarmah pri hawi, takhra prichi mang i tavaimi risa bawibawichi py, nichi hawi vanrei abang u nai ne.

Ezekiela 39:2

Kai ly ni ai amhi hai iy ryh vui ai. Israela mawichira tym pa-rei tosyh ngan dengdairei kahawi ai.