Ezekiela 32:23 - Khumi Common Language Bible

²³ Nichi i tapreaungchi ly tavau pri i thiu keh naira y awm. Asuria i tavaimi bawibawichi ly tavai keung y dei u iy, nichi i tapreaungchi ly Asuria i lengseaung takeu nai angawm ai katanmeuh nai ne. Na i py vaichi khala y nichi ly heng nai khumichi ai kaso theu hai nai khumichi ne.

Ezekiela 32:23 ပူးပေါင်းရင်းမြစ်များ

JOBA 28:13

Tau cheng naira ly khumichi theung y hau i, niu pajau y. Tau cheng naira i vang teng nai ly ami py pany pajau y.

SAM 116:9

Hunai deaungkho y kai ly heng nai khumichi theung y, Areng i mei ka-niu y heng ai nga nai ne.

SAM 142:5

Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

SAM 27:13

Areng i hawi nairachi hini deung y kai ly niu ai, nanai ym bo.

ISAIA 14:17

Marychi phra hai iy khaileaung y tui by y nai daichi ka-vym lawm hai nai keung ly hini khumi a? Theaung tla naichi ai paeung jojo iy, nichi i yhm hlau y vawi ai nai pei y nai khumi ly hini khumi a?,” nanai deng u ai.

ISAIA 38:11

Hini heng nai deung y kai ly Areng ai py, khumi angsochi ai py, mo mang y mana kha py kaniu ai ny y leang bo, nanai dawn nai ne.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

Ezekiela 26:17

Huna nai y nichi ly nang ai vo hai nai khulym thui u nai ly amthang parai nai mary ly phra veng lawh bo ly! Pangli sahawi y awm nai marychi ly taphra naira avum lawh bo. Hini mary i khumichi ly panglichi ai peang nai ne. Pangli peang y awm nai khumichi ai py jei hyn hai bo.

Ezekiela 26:20

Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

Ezekiela 32:32

“Aikupta samrang ly heng nai khumichi ai jei hyn na pa-rei sa bo. Na i py ni hawi ni i tavaimi bawibawichi ly tamyh naira avum u bo. Tavai keung y dei nai lengkhym takip y nai khumi bawibawichi hawi vanrei a-up nai avum ai.” Hini ly sa thai naira angym nai Areng i pei nai leu ne.

NAHUM 1:14

Areng ly Asuria chengchi molam y, “Khumichi ly huni khumichi ai tami veng ai. Nichi i achura yhmchira y awm nai mynchi ai kaimy taphra ai. Kai ly Asuria chengchi i vui tapreaung sa pi rym ai. Nichi ly heng ai ataing nai khumichi ny y! " napi.