Ezekiela 32:12 - Khumi Common Language Bible

¹² Kai ly pahyp y nai khumi chengchi i tavaimichi ai haisau pa hai iy, nang i khumi bawibawichi ai tleh hai ai. Nang i khumi bawibawichi hawi, nang i amlyh hai nai atitichi ly taphra naira avum ai.

Ezekiela 32:12 ပူးပေါင်းရင်းမြစ်များ

JEREMIA 46:12

Khumi cheng cheaungkhangchi ly nangchi i kangji nga nai thai u veng bo. Nangchi i vo nai raawi khumi lutengchi my thai u nai ne. Tavaimi risa ly leaung leaungrei adeng nai deaungkho y, leaung nyhrei khaileaung y atlym hawi mei bo.

Ezekiela 28:19

Nang ly chau veng bo, deungtasarei chau bo. Nang ai pany nai khumi bawibawichi ly nang i khym taham si nai kamta avum nai ly jei hyn u nai ne,” napi.

Ezekiela 28:7

kai ly pahyp y nai paleung ka-echi my nang ai tiu ai nai kang hawi ai. Nang i cheng naira hawi kawp naira hawimy, ko naira i apu parai nai vawnsaichi ai, nichi my ang taphra pi pawn ai.

Ezekiela 29:19

Hunai deaungkho y sa thai naira angym nai kai, Areng my leu pei nai ly: Aikupta pri ai ly Babulon samrang Nebukhadnezar i kiu y kaau ai. Ni ly tiu lawm iy Aikupta pri i yhmtheaung katui nang nai ngiereichi ai, mymy i tavaimichi i vui y la pi pawn ai.

Ezekiela 30:11

Ni ly pahyp y naimy ana nai tavaimichi hawi jeu iy, huni pri taphra pawn ai. Nichi ly Aikupta pri y haisau hawi tiu iy, huni pri y khumi veuchi hawi kawi hai ai.

Ezekiela 31:11

Hunai deaungkho y kai ly huni keung ai nawi su iy, cheng takhra samrang leaungrei i kiu y au ai. Ni ly huni keung ai ni i hawi y nai ka-taing pajeng ai.

Ezekiela 31:12

Pahyp y naimy ana nai cheng takhra khumichi ly huni keung ai paliu iy khai u su ai. Huni i changpichi hawi tleu nai changpi kalenchi ly pri verei i mawichi, tavo micheaungchi, leaunghawichi salo y aheang na ai. Huni keung i ka-khui y abyh u nai khumi bawibawichi py theu u pawn ai.

Ezekiela 32:18

Mymy ly “Nang khumicho awi, Aikupta pri khumi neangneangchi i vui y vo tangam hai ba. Nichi ai sa thai naira awm nai cheng takhra khumichi i chaniu anglochi hawi vanrei tavau pri y pato ba.