Ezekiela 32:10 - Khumi Common Language Bible

¹⁰ Kaimy nang ai kang sa nai molam y khumi neangneangchi ly kaso theu nai mynkym u ai. Kai ly haisau lilei nai khala samrangchi ly jei nai kaso theu u ai. Nang atlym nai kani y nichi bawibawi py, mymychi i hengra molam y paleung mawn u ai i, kaso theu u ai,” napi.

Ezekiela 32:10 ပူးပေါင်းရင်းမြစ်များ

1 ARENG KEH 9:8

Hini Achura Yhm py phra seaungkhrang nai yhm lawm ai. Huni sahawi mang tako nai khumi bawibawichi ly khri pa-rei lyh u ai i, ‘Areng ly hini pri hawi hini Achura Yhm ai, ati mana nai y hina nai kamta sa lawh mo?,’ nanai deng u lengleang ai.

ISAIA 30:32

Areng my nichi ai avawsadym pakhau nai khala y, mymy i khumichi ly taro teaungteng katyn, pengpeng katynchi kamlym beu u ai. Tameuh mymy kypkyp py Asuria chengchi ai tiu ai.

JEREMIA 51:9

Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

Ezekiela 26:16

Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai.

Ezekiela 27:35

“Pangli peang jeungrei y awm nai khumi bawibawichi ly nang i taham si nai ai niu u i, rengrang tlai na u bo. Nichi i samrangchi malawn py, jei hyn nai phailo seaung u na i, meimai phra u na bo.

Ezekiela 30:9

Aikupta pri phra nai neng tym nai khala y, kai ly dawndan y naimy awm nai, Ethiopia pri khumichi teng y satang thai hai ai nai samphochi hawi pato ai. Nichi ly jei hyn u ai. Huni kani ly kasa bo!,” napi.

ZEKHARIAH 11:2

Aw maicha keungchi awi, vo tangam u; saitleang keungchi ly aheng pawn veng bo; apu parai nai huni keungchi ly phra pawn bo! Aw Basanra i ngopraibiu keungchi awi, vo tangam u; thengreung atu ai ly ateng biu vui bo.

Leu Thui Nai 29:24

Huna nai khala pri tleirei i khumi cheng bawibawichi my, ‘Areng ly nichi i pri ai ati mana nai taphra lawh mo? Ati mana nai hina tanrei ka-jei awm nai kado theu hai lawh mo?,’ nanai deng u ai.

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.

AMTENG HAI NAI 18:10

Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.