Ezekiela 31:3 - Khumi Common Language Bible

³ Nangchi ly atho ham nai Asuria hawi atawm; huni pri ly Lebanon mawi i saitleang keung hawi atawm; huni keung ly khupanym y angteu vi na pa-rei asang i, changpichi angvai iy khen apu parai nai ne.

Ezekiela 31:3 ပူးပေါင်းရင်းမြစ်များ

SAM 92:12

Khumi kahawichi ly chamleaung keungchi kamta, apu parai naimy awm ai; nichi ly Lebanon mawi i saitleang keungchi kamta, achaw angvai ai.

ISAIA 37:24

Nang ly nangmy i tavai ka-ri bawibawichi hawi asang keh nai Lebanon mawichi ai malawn py, tiu pajau nanai kai teng y amlyh ai nai savaichi pato nai ne. Huni meingtym y awm nai asang keh nai saitleang keungchi hawi, apu keh nai maicha keungchi ai paliu iy, atu thengreung pui theung y katym bo, nanai amlyh nai ne.

JEREMIA 17:8

Huni khumichi ly tavo peang y prau iy tui awm nai mang y tangjyn pala nai dengkeaung keung hawi atawm. Huni keung ly ngamchi heng-yh jo nai deaungkho y, kanipui i kani kabi ai jei y. Kani khang khala py mawnra by y i, athaichi athai jojo reng nai ne.

JEREMIA 50:18

Hini molam y Israela chengchi i Tameuh, ati cheaungkhang sa thai nai keung kai Areng ly Asuria samrang ai pajeng nai kamta, samrang Nebukhadnezar hawi ni i pri ai py pajeng ai.

Ezekiela 17:22

Sa thai naira angym nai Areng my leu pei nai ly: “Kai ly saitleang keung ka-sang salyh i sai la iy, sai kadeu khei chum baly asang keh nai mawi saleung y kaui ai.

Ezekiela 19:11

Changpichi ly tangkhryh nai deaungkho y areng cheaungvawi palawn ai nai nga. Kreip keung ly khupanym y khrairei lo bo. Huni keung i asang nai ly ngam changpichi veng-u nanai ai, khumichi my niu nai ne.

Ezekiela 31:10

“Huna nai y huni keung ly ati mana lawm ai mo, nanai sa thai naira angym nai kai, Areng my kang thui pi ai. Saitleang keung ly changpichi salo mang y khupanym khrairei asang bo. Huni keung ly hina nai asangryh asangryh iy, amlyh am-e ra amlyh am-e ra bo.

Ezekiela 31:16

Huni saitleang keung ai kaimy tavau pri y ang vum hai nai khala, huna nai aheng nai katyn molam y, khumi cheng cheaungkhangchi ly kaso theu u ai. Huna nai khala khaileaung anui y tym nai Eden akho i dengkeaung keung ngiereichi hawi Lebanon mawi i tui bym pa-rei nga nai, hawi keh nai dengkeaung keungchi ly khri pa-rei paleung amo theu u ai.

Ezekiela 31:17

Hunichi ly vaichi khala aheang nai keungchi hawi avum ai nai saitleang keung hawi vanrei, tavau pri y ang vum ai. Huni saitleang keung i ka-khui y abyh u nai khumichi ly khumi cheng cheaungkhangchi theung y ahei seaungkhrang pawn ai,” napi.

Ezekiela 31:5

Saitleang keung ly tui bym pa-rei nga nai deaungkho y, takhra keungchi tleaung y py asang; changpichi py lo nai ne.

Ezekiela 31:6

Huni changpichira y tavo cheaungkhangchi tabu sa; daichi mawichi ly huni dengkeaung keung anui y chochi tapen; khaileaung pri i khumi cheng cheaungkhangchi py, huni keung ka-khui y anawn u nai ne.

Ezekiela 31:8

Tameuh i akho theung i saitleang keungchi malawn py huni keung hawi pata pajau y. Mani maicha keung malawn py hina nai changpichi by y. Mani kheaungtumchy py hina nai changpi len nai by y. Tameuh i akho theung y malawn py hina tanrei apu nai dengkeaung keung by y.

Ezekiela 32:22

“Asuria ly mymy i tavaimichi i tapreaungchi my katanmeuh nai, huni meingtym y awm. Nichi bawibawi ly tavai keung y dei naichi ne.

DANIELA 4:10

“Kai ly i ngym nai thym khala y, khaileaung salo i umtang y awm nai dengkeaung pui ka-sang harei kaniu bo.

DANIELA 4:12

Huni dengkeaung i changpichi ly apu parai i, athai py pasu nai deaungkho y, khaileaung pri vereichi cha ai nai nga. Amso tawnbawichi ly huni dengkeaung ka-khui y anawn u. Tavochi ly changpichira y tabu sa u. Heng nai amjy bawibawichi ly huni keung i athaichi cha u nai ne.

DANIELA 4:7

Hunaibaly awm nai ngierei, leung sarachi, mei amhyp sarachi, atam sarachi hawi ka-si lo kamtlau kane kawp naichi ly kai i mo y tym u nai ne. Kai ly nichi teng y kai i amang thui pi teu i py, nichi ly huni amang i awm nai sai, thui pi pachai thai y.

ZEPHANIAH 2:13

Areng ly kiu pheu iy sa thai naira hawi, Asuria pri taphra ai. Mymy ly Ninevi mary y, tui by y nai daichi ka-vym kamta, khumi angso savai tlang nai mary kaphra lawm hai ai.

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.

ZEKHARIAH 11:2

Aw maicha keungchi awi, vo tangam u; saitleang keungchi ly aheng pawn veng bo; apu parai nai huni keungchi ly phra pawn bo! Aw Basanra i ngopraibiu keungchi awi, vo tangam u; thengreung atu ai ly ateng biu vui bo.

TARA CHIH NAI KEUNGCHI 9:15

Aleng phreung my ly ‘nangchi ly kai ai meitang khyp, nangchi i tlang tleaung y samrang sa ai nai ngai hai nabaly, kai i ka-khuira jeu iy abyh u; huna nai abyh y lawh baly kai i changpichi sala mang maikhyh theu iy, Lebanon Seda keungchi ai kang hai pawn ai,’ nanai pathang.