Ezekiela 30:9 - Khumi Common Language Bible

⁹ Aikupta pri phra nai neng tym nai khala y, kai ly dawndan y naimy awm nai, Ethiopia pri khumichi teng y satang thai hai ai nai samphochi hawi pato ai. Nichi ly jei hyn u ai. Huni kani ly kasa bo!,” napi.

Ezekiela 30:9 ပူးပေါင်းရင်းမြစ်များ

ISAIA 19:17

Aikupta khumichi ly mychi i vui ati cheaungkhang sa thai nai keung Areng my khai pi yb nai khym taham adawn ali teang nai tleirei, Juda pri y jei u ai.

ISAIA 20:3

Asadod mary anawi nai khala y Areng my, “Kai i miseaung Isaia ly phainai amchiu y, tlang ka-keu naimy saneng thomrei chei kathiu chei kalau nai ly Aikupta pri hawi Ethiopia prichi avum ai nai leaungsai ka-ma-ra ne.

ISAIA 20:5

Ethiopia pri ai ym iy, Aikupta pri satang kamlyh leu katheu u nai khumichi ly athang khai naira tama ai i, paleung phra u ai.

ISAIA 23:5

Turu mary phra nai satang thai nai khala y, Aikupta chengchi malawn py, athengra nai ne.

ISAIA 47:8

“Nang saw ala ai ngai nai khumi awi, amymy ai chymme bo, nanai khumi awi, hini leu tangai ba. Kai ly Tameuh tanrei len nanai py kai ka-tawm khumi ly by y, nanai py nang thui bo. Nang ly mana khala py lumai lawm ai ny y, mana khala py cho chanauchi alai vai ai ny y nanai py, nang ly athang khai bo.

JEREMIA 49:21

Edom pri anawi nai khala khri pa-rei katyn amsau nai deaungkho y, khaileaung pri verei amchyh ai. Jei hyn naimy hang u nai katynchi py Akaba pangli katheaung mang khrairei thai u ai.

JEREMIA 49:31

‘Jeu u! achi ly chymme naira awm bo, nanai dawn nai huni khumichi ai tiu u sina! Huni khumichi i mary ly apai katheu hawi atleangra py by y; chymme naira py by y nai mary ne,’ napi.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

Ezekiela 26:16

Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai.

Ezekiela 27:35

“Pangli peang jeungrei y awm nai khumi bawibawichi ly nang i taham si nai ai niu u i, rengrang tlai na u bo. Nichi i samrangchi malawn py, jei hyn nai phailo seaung u na i, meimai phra u na bo.

Ezekiela 33:33

Na i py nang i thui nai ngiereichi ly teng khyp ai i angym nai khala, nichi theung y amo leaungrei tym bo, nanai nichi pany u ai,” napi.

Ezekiela 38:11

Jeaungmang nai pri harei ai tiu ai nai paleung adawn ai. Huni pri i khumichi ly apai pahi y nai marychira y tlamsa naimy awm u nai khumichi ne.

Ezekiela 39:6

Kai ly Makoka pri hawi khumichi tlamsa naimy awm nai pangli peang jeungrei mai kang hai ai. Huna nai khala kai ly Areng ne, nanai khumi lutengchi my pany u ai.

AMOS 4:2

Salo keh Areng ly chai parai nai deaungkho y, hina nai vaineng adeu bo. Areng my, “Nichi ly nangchi ai sakawi hawi athorei my ryh nai kanichi tym ai. Nangchi bawibawi ly sakawira man nai ngo kamta lawm u ai.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

ZEPHANIAH 2:12

Areng ly Ethiopia khumichi ai py padei ai.

ZEPHANIAH 2:15

Hini ly amymy ai sa thai naira awm bo, nanai py, chymme naira awm bo, nanai py, athang khai nai mary i avum ai nai khym taham ne. Huni mary i khumichi ly mymychi i mary ai, khaileaung pri y len keh, nanai athang khai u bo. Huni mary ly daichi tawnbawichi anawnra lawm iy, mana tanrei khumi angso savai tlang na ai mo? Huni sahawi mang tako nai khumi bawibawichi ly athengra iy, nithun mang y anaw u vui na ai.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

TARA CHIH NAI KEUNGCHI 18:7

Naibaly huni khumi leaung pangreichi ly Laisa mary mang y chei u bo. Huni mary i khumichi ly Sidon mary i khumichi kamta, awmnem naimy awm u nai ne nanai py, ami hawi py ka-jo ka-thui awm vai y nanai py, nichi ngai nai ngierei nga u nanai py, nichi ly Sidon mary i khumichi hawi khri pa-rei palo naira y awm nai ne iy khumi takhrachi hawi py amkawm u y nanai py pany u bo.