Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezekiela 30:8 - Khumi Common Language Bible

8 Kai ly Aikupta pri ai mai kang hai iy huni pri ai asa hai nai khumi bawibawichi dei nai khala, kai ly Areng ne, nanai nichi pany u ai.

အခန်းကိုကြည့်ပါ။ ကော်ပီ




Ezekiela 30:8
22 ပူးပေါင်းရင်းမြစ်များ  

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.


Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.


Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.


Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.


Hunai deaungkho y kai ly kado theu naira tym hai iy nichi i tlang tleaung y kado katheu mai kangveaung kamta tym hai ai. Nichi i sa nai saichi molam y nichi i lu tleaung y tym hai ai,” napi. Hini ly sa thai naira angym nai Areng i pei nai leu ne.


Areng my, “Israela chengchi ai mei aniu y nai tengpang sahawi i khumichi ly no pei nai alengchi kamta lawm bi ai ny y. Kai ly sa thai naira angym nai Areng ne, nanai nichi pany u ai,” napi.


Nichi ly huni meingtym y chymme naimy awm u ai. Nichi ly yhmchi sa iy kreip akhochi sa u ai. Nichi ai mei aniu y sa nai pri deaungpa bawibawichi ai kaimy pajeng nai khala, nang ly chymme ai. Israela pri ly tlamsa naimy awm ai. Huna nai khala kai ly nichi i Areng Tameuh ne, nanai nichi pany u ai,” napi.


Israela chengchi ly nichi teng y mana khala py abyh u ai ny y. Huna nai abyh lawh nai deaungkho y, mymychi ly mana tanrei tamang na mo, nanai Israela chengchi teng y Aikupta pri i avum nai khym taham my pany hai ali teang ai. Huna nai khala kai ly sa thai naira angym nai Areng ne, nanai Israela chengchi pany u ai,” napi.


Huna nai khala kai ly Areng ne, nanai Aikupta pri khumichi my pany u ai,” napi. Areng my, “Nang ly Israela chengchi i vui japang uipo keung teu.


Aikupta pri ly khumi angso savai tlang nai meingtym lawm ai. Huna nai khala kai ly Areng ne, nanai nichi pany u ai. “Naing tavo ly nangmy i peang nai, nangmy i palum nai ne, nanai thui nai deaungkho y,


Aikupta pri tokalawi mang y ly khumi angso savai tlang nai lawm hai iy, tosyh mang y awm nai Zoan mary ai mai leng vui ai. Thebe mary pui ai ly pajeng ai.


Kai ly Aikupta pri ai mai angveaung hai ai i, Pelusium mary ai py khri pa-rei no patang hai ai. Huni mary i mary apaichi ly panawi pawn ai i, tui my um biu ai.


Kai ly Makoka pri hawi khumichi tlamsa naimy awm nai pangli peang jeungrei mai kang hai ai. Huna nai khala kai ly Areng ne, nanai khumi lutengchi my pany u ai.


Hunai deaungkho y kai ly Turu mary apaichi salo y mai kani nai hai iy, Turu amtangra yhmchi ai maidym satlawi palawn vui ai.


Hunai deaungkho y kai ly Teman mary salo y mai kani nai hai iy, Bozarah amtangra yhmchi ai maidym satlawi palawn vui ai,” napi.


Hunai deaungkho y kai ly Rabah mary apaichi salo y mai kani nai hai iy, Rabah amtangra yhmchi ai maidym satlawi palawn vui ai. Naibaly tavai atiu nai kani y aeu nai katyn amsau nai thai iy, atiu nai ly ali kamchai kamta, khri pa-rei ho na ai.


Hunai deaungkho y kai ly samrang Hazaela kangpreangchi tlang tleaung y mai kani nai hai iy, samrang Benhada i amtangra yhmchi ai maidym satlawi palawn vui ai.


Hunai deaungkho y kai ly Kaza mary apaichi salo y mai kani nai hai iy, Kaza amtangra yhmchi ai maidym satlawi palawn vui ai.


Kai ly Moba pri salo y mai kani nai hai iy, Kerioth mary i amtangra yhmchi ai maidym satlawi palawn vui ai. Tavaimichi i aeu nai raawi, baw katyn hawi atiu nai katynchi amsau nanai neng khala y, Moba khumichi dei u ai.


Hunai deaungkho y kai ly Juda pri salo y mai kani nai hai iy, Jerusalem mary i amtangra yhmchi ai maidym satlawi palawn vui ai,” napi.


Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ