Ezekiela 30:3 - Khumi Common Language Bible

³ Areng my bawi la ai nai kani ly kasa bo; khupanymchi my khiu ai nai kani, khumi cheng cheaungkhangchi patang ai nai kani kasa bo.

Ezekiela 30:3 ပူးပေါင်းရင်းမြစ်များ

SAM 110:6

Mymy ly khumi cheng cheaungkhangchi ai tara chih ai i, tavai atiu nai meingtym y khumi kadeichi kawi hai ai; khaileaung pri verei y awm nai samrangchi ai pasum ai.

SAM 37:13

Na i py huni khumi ly kra y naimy phra ai bo, nanai Areng my pany nai deaungkho y, ni ai khen iy panui hai bo.

THEU NAI 14:20

Aikupta tavaimichi hawi Israela tavaimichi sala y awm pi khyp nai ne. Tamai angjawi ly Aikupta chengchi mang y veng hai cheng iy, Israela chengchi mang y angvang hai phang bo. Hunai deaungkho y nichi ly mang mang akai thai y nai ne.

THEU NAI 14:24

Khutawi en khala Areng ly tamai angjawi hawi maiteaung mang dengdai, Aikupta tavaimichi ai khen kathiu i, nichi ai ahei hai phro bo.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 13:9

Kapahenra by y nanai kado katheu pajengra avum u ai nai neng kani napi nai, Areng i tara chih nai neng kani ang tym ai. Khaileaung ly khumi angso by y nai meingtym lawm ai. Kamngo sa nai khumi ngiereichi py, tamyh pawn naira avum u ai.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

JEREMIA 25:31

Areng ly khumi cheng cheaungkhangchi ai tara pasau ai. Mymy i raawi ly khaileaung katem y khrairei avah na ai. Mymy ly khumi bawibawichi ai chih iy khumi hawi y naichi ai padei ai. Hini ly Areng i thui nai leu ne,’ nanai thui pi,” napi.

Ezekiela 13:5

Huni amochi ly mary apaichi anawi nai kry y; mary apaichi py pathyp u teang y. Hunai deaungkho y Areng i kani y tavai atiu u nai khala, Israela pri ai ama hai pajau ai ny y.

Ezekiela 29:12

Kai ly Aikupta pri ai khaileaung pri y khumi angso savai tlang keh nai pri lawm hai ai. Saneng vui palyh sala ryrei, Aikupta pri i marychi ly takhra marychi hawi atawm y na pa-rei, kangtlen chyn phra hai seaungkhrang ai. Kai ly Aikupta khumichi ai patang nai khumichi lawm hai ai. Nichi ly pri tleirei y preang iy, cheng takhra khumichi theung y awm u ai,” napi.

Ezekiela 30:18

Aikupta pri i sa thai naira haiho jum hai nai khala, nichi i amlyh am-e nai sorai paleung tama hai ai. Taphan mary ly veng naimy awm ai. Aikupta pri y khupanym my khiu cheng i, mary bawibawichira i khumichi ly langheng y hawi pawn nai avum u ai.

Ezekiela 32:7

Nang ai kang tamyh nai neng khala, kai ly kani khusang khiu vui iy ka-si taukichi tama hai ai. Kanito py khupanym my deng hai vui ai. Lo py kangvang pei ai ny y.

Ezekiela 7:10

Israela chengchi i vui patang ai nai neng ly kasa bo. Khrukhra naira ly len ryh len ryh bo. Khri pa-rei amlyh am-e nai neng ne.

Ezekiela 7:12

Neng tym bo. Ka-sum ka-pai sa nai chawn y nai neng kani ly kasa bo. Ati mana nai mo na baly Tameuh i kado theu naira ly khumi luteng i tlang tleaung y tym ai nai deaungkho y ne.

Ezekiela 7:19

Nichi ly mychi i muku, tangkachi ai anyn angso kamta, lamchira y hei u pawn ai. Ati mana nai mo na baly Areng i kado theu nai neng khala nichi i muku, tangkachi ly mymychi ai atleu pajau y nai deaungkho y ne. Nichi ly mymychi kajeu kanglam dam ai nai hawi mychi i kajeu apakawi ai nai molam py, muku tangkachi pasum thai y; muku tangkachi ly mymychi ai kamngo sa hai bo.

Ezekiela 7:7

Khumi mipuichi myh kang nai neng ang tym ai bo. Mawi salo y pawi sa nai by y ai i, khru nganglang ai nai neng ly kasa iy ang tym ai bo.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

OBADIA 1:15

“Kai, Areng my khumi cheng cheaungkhangchi ai tara chih ai nai neng kani tym hai ai. Aw Edom pri awi, amichi ai nangmy i sa nai kamta amichi my nang ai ang sa u teang ai. Nang ly nangmy i pei nai kamta nga teang ai.

ZEPHANIAH 1:14

Areng my tara chih ai nai kani kalen ly kasa bo i, kasa tleaung kasa ra bo. Huni neng kani ly tym kasa ai! Huni kani ly hawi y keh nai deaungkho y, sorai paleung awm keh nai risa malawn py, paleung phra naimy aeu ai.

ZEPHANIAH 1:7

Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.

MATTHAI 24:33

hunai kamta khyp ly nangchi py hunichi bawibawi niu nai khala y ly mymy ly kasa bo, ne katheu pa-kho ahawi y my awm bo, nanai pany u.

PHILIPI 4:5

Nangchi i kham pajau nai sai ly khumi bawibawichi my pany u sy. Areng ly kasa bo.

JAKOB 5:9

Amjo amnauchi awi, sum naira ngo y ai nai nangmychi tengtawi jo sei u reng moh; khen cham, tara chih nai keung ly katheu pa-kho ahawi y angdo ryhryh bo.

AMTENG HAI NAI 6:17

nini i kado theu naira kani aly len parai nai ang tym nai bo he; hunaibaly ami angdo pajau ai mo?” napi.