Ezekiela 30:2 - Khumi Common Language Bible

² Mymy ly “Nang khumicho awi, sa thai naira angym nai kai, Areng i leu pei nai ai tao pajeng parai naimy thui pi ai nai ly: Ka-jei awm nai kani ly ang tym ai bo!

Ezekiela 30:2 ပူးပေါင်းရင်းမြစ်များ

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 14:31

Aw Philistin mary bawibawichi awi, vo tangam naimy aeu iy kasabawmra hnei u! Nangchi bawibawi py jei hyn naimy awm u! O-a sorai paleung awm nai khumi leaungrei py abawi y nai tavaimi kamkawm pui harei ly khaileaung khyhmeung naimy tosyh mang dengdairei ang jeu u bo.

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 16:7

Moba mipuichi ly mymychi i avum nai ngari kamtang molam y vo-pi u ai. Kir Here mary y mychi cha u reng nai cha nei kahawichi adawn u ali teang nai khala, nichi bawibawi ly vo-pi ai. Paleung phra atho di naimy awm u ai.

ISAIA 23:1

Hini leu pei nai ly Turu mary i vui ne. Pangli mang y tym u nai nangchi samphora y kalop sa u naichi awi, paleung si naimy vo tangam u! Nangchi i khuteng lawm nai sampho khenra Turu mary ly phra veng bo. Hunira i yhmchi hawi tuivumchi ly phra pawn bo. Huni satang ai nangchi ly Kuparu pri i nai vawi ali teang nai khala thai u nai ne.

ISAIA 23:6

Aw Phoenisia mipuichi awi, paleung si naimy vo tangam u! Spain pri mang y preang ai nai atho so u!

ISAIA 65:14

Kai i miseaungchi ly amo theu parai naimy khulym thui u i py, nangchi ly paleung phra vo tangam u ai.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 47:2

Mymy ly “Khen cham! Tosyh ngan mang y tavo tui leaung nai kamta, ang leaung ai. Huni tuichi ly khaileaung hawi khaileaung tleaung y awm nai ngiereichi, marychi hawi mary i khumichi ai um biu ai. Khumichi ly atleu pi ai nai kaau u ai. Khaileaung tleaung y awm nai khumi bawibawichi ly khrikhri pa-rei vo u ai.

Ezekiela 21:12

Nang khumicho awi, paleung si nai y vo naimy hang na ba; hini haisau ly kai i khumichi hawi Israela chengchi ai lu sa nai keungchi i vui ne. Nichi ly awm asai rai nai kai i khumichi theung y abawi naichi hawi vanrei padei ai nai tla ai. Paleung phra nai y nangmy i paleung y atum ba!

Ezekiela 30:1

Naibaly Areng i leu ly kai teng y tym bi bo.

JOELA 1:11

Nangchi li, hlau sa naichi awi, paleung si tangam u; ati mana nai mo nabaly chohpui chomaw, chajai hawi amti amjang bawibawichi phra be veng bo. Naibaly nangchi kreip akho yhmkeungchi awi, vo tangam u.

JOELA 1:5

Nangchi nei cha ala naichi awi, anglaw ly vo u; nangchi kreip hang nei naichi awi, vo tangam u; kreip hang kangtha sa ai nai kreip athaichi phra be bo.

ZEPHANIAH 1:11

Mary ka-nem mang y awm nai khumichi awi, hini satangchi thai nai khala vo u. Ati mana nai mo na baly ka-sum ka-pai kalen sa nai khumichi ly dei u ai.

ZEKHARIAH 11:2

Aw maicha keungchi awi, vo tangam u; saitleang keungchi ly aheng pawn veng bo; apu parai nai huni keungchi ly phra pawn bo! Aw Basanra i ngopraibiu keungchi awi, vo tangam u; thengreung atu ai ly ateng biu vui bo.

JAKOB 5:1

Khumi kanangchi awi, khen cham, nangchi i tlang tleaung y ngari ang tym dudu nai deaungkho y vo py vo u ly, hang py hang u lengleang.

AMTENG HAI NAI 18:10

Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.