Ezekiela 3:7 - Khumi Common Language Bible

⁷ Na i py mani Israela khumichi ly nang i leu tangai u ai ny y. Nichi ly kai i leu ai malawn py tangai u ai ny y. Nichi bawibawi ly paleung tang iy leu atangai y nai khumichi ne.

Ezekiela 3:7 ပူးပေါင်းရင်းမြစ်များ

ISAIA 3:9

Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

JEREMIA 6:17

Baw eng iy pany hai nai katyn tangai ai nai Areng ly tamcheaungchi khai pi bo. Na i py nichi my, “Kaichi tangai ai nai ngai y,” napi u.

JEREMIA 7:27

“Hunai deaungkho y Jeremia awi, nang ly hini leuchi ai nichi teng y thui pi keng teu i py, nichi tangai u ai ny y. Nang ly nichi ai palau teu i py, nichi ly pathang u ai ny y.

Ezekiela 2:4

Nichi ly paleung tang iy kai ai tahm khai u y; kai ati cheaungkhang sa thai nai Areng my ati thui pi nai mo, nanai nichi teng y amti pi ai nai nang ai, nichi theung y kang pato ai.

Ezekiela 24:7

Huni mary theung y khumi ai padei nai kahm awm; na i py thi ly khaileaung y beu y, chaipyn nai lengseaung bailang salo y beu nai deaungkho y, spryh hawi taphum ai nai ngo y.

Ezekiela 3:6

Sailang amny amcha y nai leu hawi, nang pany ai nai rai parai nai leuchi katheu nai khumi cheng kalenchi teng y, nang ai kang pato nai ny y; kang pato lawh teu khyly, huni khumichi ly nang i leu tangai u ai.

Ezekiela 3:8

Vai, kai ly nang ai huni khumichi kamta paleung tang hai iy, paleung kang palen teang ai.

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

ZEKHARIAH 7:12

Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai Areng ly khri pa-rei kado theu nai ne.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

1 SAMUELA 8:7

Naibaly Areng my, “Khumichi my nang teng y thui nai ngierei tangai ba; nang ai ly nichi my khai su y leang mang; kai ai naini nichi my khai u su bo; nichi ly kai ai mychi i samrang palawn y bo.