Ezekiela 3:4 - Khumi Common Language Bible

⁴ Naibaly Tameuh my, “Nang khumi cho awi, Israela khumichi teng y chei iy kai i leu pei nai ngiereichi thui pi.

Ezekiela 3:4 ပူးပေါင်းရင်းမြစ်များ

Ezekiela 11:25

Kai ly kai teng y Areng my thui pi nai leaungsai ngiereichi ai pri palara avum nai khumichi teng y thui pi pateang nai ne.

Ezekiela 11:4

Huna nai y nang khumi cho awi, nichi ai thui tamawn iy amo leu thui ba,” napi.

Ezekiela 2:3

“Nang khumi cho awi, kai ai tiu nai Israela khumichi theng y nang ai kang pato ai. Nichi ly mymychi i amsi pajochi kamta, vai khrairei kai ai ang tiu u nai ne.

Ezekiela 2:4

Nichi ly paleung tang iy kai ai tahm khai u y; kai ati cheaungkhang sa thai nai Areng my ati thui pi nai mo, nanai nichi teng y amti pi ai nai nang ai, nichi theung y kang pato ai.

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

Ezekiela 20:27

“Naibaly nang khumi chapo awi, sa thai naira angym nai kai, Areng my ati mana leu pei mo, nanai vaimy thui pi. Nichi i amsi pajochi ly ka-ym by y nai deaungkho y, kai ai mei aniu y nai sa nai ly hini ne.

Ezekiela 3:11

Naibaly pri palara avum nai nang i chengchi teng y chei ba. Nichi ly nang i leu ai tahm khai i py ne sy, tahm khai y i py ne sy, kai, sa thai naira angym nai Areng my leu pei nai thui pi,” napi.

Ezekiela 3:3

Mymy ly “Nang khumi cho awi, nang ai kang pei nai cha aeang ai kajeu angjeng na pa-rei cho,” ang napi nai deaungkho y, kai ly kacha nai khala huni cha aeang ly khawi hang kamta tui.

Ezekiela 3:5

Kai ly sailang amny amcha y nai leu hawi, rai parai nai cheng takhra leu katheu nai khumichi theung y kang pato nai ny y. Israela chengchi teng y kang pato nai teu.

MATTHAI 15:24

Na i py mymy ly pathang i, “Israela cheng tama nai beramchi teng y ny y baly kai ai pato nai ny y leang,” napi.

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.