Ezekiela 3:23 - Khumi Common Language Bible

²³ Hunai deaungkho y kai ly leaunghawi mang y kachei i, Kheba tavo sahawi y kaniu nai kamta, hunira y Areng i nang parai nai kaniu; naibaly kai ly khaileaung y atlym i ambeu vui bo.

Ezekiela 3:23 ပူးပေါင်းရင်းမြစ်များ

Ezekiela 1:28

Huna nai ang teaung nanai kangvang sangso ly khupanymra y tla reng nai seaungjai hawi atawm. Hini ly Areng i nang parai nai ai amteng hai nai kangvang sangso ne. Kai ly hina nai niu nai khala khaileaung y angbeu naimy atlym vui bo. Hunaibaly raawi harei my,

Ezekiela 10:18

Naibaly Areng i nang parai nai kangvang ly Achura yhm y kun nai pa-kho mang theu iy, heng nai amjychi salo y asyh vui nai ne.

Ezekiela 43:2

hu y ly Israela chengchi i Tameuh i kangvang nang parai nai ly nisi mang dengdairei theu nai kaniu. Tameuh i raawi ly pangli tui kamsau katyn hawi atawm. Khaileaung pri py mymy i nang parai nai hawimy angvang na bo.

Ezekiela 43:3

Hini paleung mei y niu nai ly Tameuh my Jerusalem mary taphra ai nai ang jeu nai neng khala, kai i paleung mei y niu nai hawi Kheba tavo sahawi y kai i paleung mei y niu naichi ly atawm nai ne. Huna nai y kai ly atlym i, khaileaung y ambeu bo.

Ezekiela 44:4

Naibaly huni khumi ly kai ai tosyh mang i katheu pa-kho tako prei iy Achura yhm mo y hawi i, kai khen nai khala, Areng i Achura yhm ly mymy i nang parai nai kangvang kawi nai kaniu; kai ly khaileaung y ambeu vui na bo.

Ezekiela 8:4

Kai ly Kheba tavo sahawi y amteng hai nai kamta, hini meingtym y py Israela chengchi i Tameuh i nang parai nai kangvang kaniu bo.

Ezekiela 9:3

Huna nai khala y Israela chengchi my chiu nai Tameuh i nang parai nai kangvang ly mymy i awm nai kherubenchi mang my angteang kalau iy, Achura yhm y kun nai pa-kho mang y asyh vui bo. Areng ly kanih mai ka-syn amthyp iy cha tajiura syn nai khumi ai palau i,

DANIELA 8:17

Kabriela ly kai i sahawi y jeu iy angdo nai khala, kai ly khri pa-rei kaso theu nai deaungkho y, khaileaung y atlym vui bo. Kabriela my kai teng y, “Dei nai khumi amjy awi, amteng hai nai i awm nai sai ai pany ba. Huni amteng hai nai ly kani khaileaung tem ai nai patei pi nai ne,” napi.

Kati Nai 16:19

korah ly khumi mipuichi ai pangym iy, Tabynako katheu pa-khora y Mosi nini Aron hawi mo atha naimy angdo u bo. Huna nai thym khala tlenrei khyhmy Areng i nang parai nai kangvang sangso ly khumi mipuichi mo y angvang bo.

Kati Nai 16:42

Nichi ly Mosi hawi Aron nini ai josei ai nai jeu achu nai bo y, Tabynako mang y khen angdeang u nai khala, tamai ly Tabynako salo y khiu naimy Areng i nang parai nai kangvang sangso niu u bo.

AMTAW 7:55

Na i py mymy ly Phailo Kachai my kawi i kani mang y khen jo iy, Tameuh i nang parai nai sai hawi, Tameuh i lamtang mang y Isu angdo nai py niu;

JOSUA 5:14

Huni khumi my, “Nangchi mang i py ny y, paleung ka-e py ny y, kai ly Areng i tavailu areng ne,” nanai pathang. Huna nai khala Josua ly khaileaung y ambeu naimy chiu iy, “Areng awi, nang i miseaung kai ai leu pei ba,” nanai takeng.

AMTENG HAI NAI 1:17

Naibaly mymy ai kaniu khala y mymy i kheu keung y dei nai kamta ka-tlym mawp. Naibaly ni ly mymy i lamtang mang i kiu y kai ai nam iy,

AMTENG HAI NAI 4:10

huni miteaung keh leaung apom phai palyhreichi ly areng atehra tleaung y ateh nai keung i mo y ly kheukhudi nai meung u i, deungtasarei heng jojo nai keung ai chiu hai; naibaly nichi i areng lukhym ly areng atehra mo y khai iy,

AMTENG HAI NAI 5:14

Naibaly heng nai amjy palyhreichi ly, “Amen!” napi. Miteaung kehchi py kheukhu di i meung iy chiu u bo.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.