Ezekiela 3:20 - Khumi Common Language Bible

²⁰ “Khumi kahawi leaungrei ly hawi y naira sa nai khala y, kai ly ni ai ka-jeira tym hai ai. Huna nai khala nang ly ni i hawi y sa nai ai thui parip y naimy awm lawh baly, ni ly mymy i sa tamang nai kamngo y dei ai. Vaichi khala y ni i kahawi sa naichi ai kaimy pany pi ai ny y. Huna nai khala huni khumi i dei nai molam ly nang i phu ne.

Ezekiela 3:20 ပူးပေါင်းရင်းမြစ်များ

2 NENG SATANG 24:2

Ni ly pathyp pi nai keung Jehojada heng nai ryrei, Areng i kangai sa.

2 NENG SATANG 25:15

Hunai deaungkho y Areng ly kado theu i, amo ai Amazia teng y pato bo. Amo my, “Nang kiu i khumichi ai atleu pajau y nai cheng takhra khumichi i tameuhchi ai, nang ly ati mana nai chiu lawh mo?,” napi.

SAM 119:165

Nang i reita leu pei nai ai paleung apei nai khumichi ly khri pa-rei paleung awmnem naira nga u nai ne; mani my py nichi ai atlym hai pajau y leang.

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

SAM 36:3

Ni i katheu nai leu ly chai y i, ka-chawi cheichei ne. Ni ly kahawi so y leang, tau kacheng py by y leang bo.

LEU KACHENG 25:12

Lulip pany naira angym nai khumi i pany hai nai leu ly tangai ai ngai nai khumi i vui y muku kiusabyh tleaung y py, muku tangcheng hawi sa nai ateaungchi tleaung y py vang teng keh nai ne.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

ISAIA 8:14

Kai i chai parai nai sai ly lyh ai hawi nai deaungkho y, kai ly khumichi pathuikhe iy atlym hai ai nai lengseaung hawi atawm. Juda khumichi, Israela khumichi hawi Jerusalem mary i khumichi ai patiu ai nai deaung hawi py atawm nai ne.

JEREMIA 34:16

Na i py nangchi ly paleung ali u bi i, kai ai tahm khai u y bo. Nangchi bawibawi ly nangmychi my tlamsa naira pei nai miseaungchi ai palau teang iy, miseaung y palawn u akhikan taleang bi nai ne.

JEREMIA 6:21

Hunai deaungkho y kai ly huni khumichi i mo y khangmui ka-cheungchi khai pi nai y pathuikhe iy, avah hai mawp ai. Amhm ampo hawi cho chanauchi py, ahawichi hawi yhm deaungpachi py dei u ai,” napi.

Ezekiela 14:3

Mymy ly “Nang khumicho awi, hini khumichi ly mynchira y paleung apei u nai y, huni mynchi my nichi ai tamang hai bo. Nichi ly kai teng i leu pathang nai nga u ai nai athang khai u a?

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

Ezekiela 18:26

Khumi kahawi ly kahawi sa nai anawn iy hawi y sa nai khala y dei baly, huni khumi ly mymy i hawi y sa nai deaungkho y dei nai ne.

Ezekiela 3:18

Kaimy hawi y sa nai khumi leaungrei ly dei ai nai tla, nanai thui i py, huni khumi dei y pa-rei nang ly khumi kahawi sa vui ai nai lam patei pi y lawh baly, huni khumi ly my i kamngolai y dei ai; huna nai khala huni khumi i dei nai molam ly nang i phu ne.

Ezekiela 33:18

Khumi kahawi ly kateng sa nai anawn iy hawi y naira sa nai khala, huni hawi y nai molam y ni ly dei ai.

Ezekiela 33:6

Na i py tamcheaung ly paleung ka-e ang jeu nai niu iy pany hai nai baw eng y naimy awm lawh baly, paleung ka-e ang jeu iy leaung leaungrei tleh naira avum baly huni khumi ly mymy i kamngo y dei teu i py, huna nai dei nai khumi i molam ly tamcheaung i phu ne ai.

Ezekiela 7:19

Nichi ly mychi i muku, tangkachi ai anyn angso kamta, lamchira y hei u pawn ai. Ati mana nai mo na baly Areng i kado theu nai neng khala nichi i muku, tangkachi ly mymychi ai atleu pajau y nai deaungkho y ne. Nichi ly mymychi kajeu kanglam dam ai nai hawi mychi i kajeu apakawi ai nai molam py, muku tangkachi pasum thai y; muku tangkachi ly mymychi ai kamngo sa hai bo.

DANIELA 9:18

Aw Tameuh, kaichi i hnei takeng nai tangai pi kyh ba. Kaichi ai khen ly nang i amyn hawi sa nai huni mary i patang nai ai, pany pi kyh ba. Kaichi ly kaimychi i hawi nai, kateng sa nai molam y ny y naimy, nang i pahen naira len parai nai saho y chiu kang sa.

Levi 19:17

“Ami ai paleung ka-e khai moh; ni molam y nang ly kamngo so y ai nai, ni hawi adyh adawi y nairachi, nihawi ka-vum sa iy alyra so.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

MATTHAI 18:15

“Naibaly ngamjo ngamnau my nang i tlang tleaung y atiti hawi y nai sa baly chei ly, ni hawi nangmyni leaung nyhrei ka-thai y ni i tamang nai dawn hai; ni ly ang tangai baly ngamjo ngamnau ai ly nangmy nga teang nai bo.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

ROM AVANGCHI TENG Y PAWLA I CHA PA NAI 11:9

Naibaly Davida my ly, “Mymychi i pawi ly kathang hawi deaung hawi lawn sy, Atlym naira hawi vawitheung tha naira py lawn sy;

I KORINTH 1:23

na i py achi ly kraws tleaung y tahen nai Krista i satang thui pi nai he; huni ly Judachi i vui ly atlym naira ne i,

Leu Thui Nai 13:3

huni khumi i leu tangai u moh. Nangchi ly Areng ai paleung hawi verei tamen mo, tamen y mo, nanai pany ai nai nangchi i Areng Tameuh ly nichi ai teaung iy, nangchi ai cham nai ne.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.