Ezekiela 3:18 - Khumi Common Language Bible

¹⁸ Kaimy hawi y sa nai khumi leaungrei ly dei ai nai tla, nanai thui i py, huni khumi dei y pa-rei nang ly khumi kahawi sa vui ai nai lam patei pi y lawh baly, huni khumi ly my i kamngolai y dei ai; huna nai khala huni khumi i dei nai molam ly nang i phu ne.

Ezekiela 3:18 ပူးပေါင်းရင်းမြစ်များ

ATITI AWM ANGCHEI NAI 2:17

hawi nai hawi y nai pany thai nai thengthai athai ly nang cha ai nai avo y; nang cha lawh baly, cha nai kani y my dei takengkei ai,” napi.

ATITI AWM ANGCHEI NAI 42:22

Naibaly Ruben my, “Kaimy huni deaungdi ai no pei moh, napi i py nangchi tangai u y. Vai achi ly mymy i dei nai molam y vawitheung ang tym nai bo he,” napi.

2 SAMUELA 4:11

Amy i takun theung y i nem nai, kamngo by y nai khumi ai padei nai khumi hawi y naichi ai ly huni tleaung y pajeng ai nai avo na a! Huni kamngo by y nai khumi ai padei nai molam y vai, kai ly nang ni tlang tleaung y vawitheung kangtha ai. Nangni ai hini khaileaung salo i nai, kang pasym vui ai!,” napi.

2 ARENG KEH 1:4

Areng my samrang teng y, ‘Nang i no nai ly hawi ali teang ai ny y, dei ai!’ nanai thui pi,” napi. Elija ly Areng i leu pei nai kamta sa i,

LEU KACHENG 14:32

Khumi hawi y naichi ly hawi y nairachi sa nai molam y, mychi ai mychi naimy atlymra sa u nai ne. Na i py khumi kahawichi ly mychi i leu meitang saho y, mychi ai ama hai ai.

ISAIA 3:11

Khumi hawi y naichi ly taham si u ai. Mychi i hawi y naira dawn nai, tau nai, sa naichi molam y, kamngo pajeng naira avum u ai.

Ezekiela 18:13

Ni ly kamran nga ai nai tangka paseng; huna nai khumi ly heng pajau na a? Heng pajau y leang. Ni ly huna nai amso ngai hawi naichi sa nai deaungkho y, ni ly dei ngaw ai. Ni i dei nai ly my i kamngolai ne.

Ezekiela 18:20

Kamngo sa nai khumi ly dei ai nai khumi ne. Chapo ly ampo i sa nai kamngochi molam y pajeng naira avum ai ny y. Ampo py chapo i sa nai kamngochi molam y pajeng naira avum ai ny y. Khumi kahawi ly kahawi sa nai molam y hawi naira, khumi hawi y nai ly hawi y sa nai molam y hawi y naira avum ai.

Ezekiela 18:4

Amhm ampo i hengra py kaimy peang, cho chanauchi i hengra py kaimy peang; khumi luteng i hengra py kaimy peang. Dei ai nai khumi ly kamngo sa nai keung ne.

Ezekiela 3:20

“Khumi kahawi leaungrei ly hawi y naira sa nai khala y, kai ly ni ai ka-jeira tym hai ai. Huna nai khala nang ly ni i hawi y sa nai ai thui parip y naimy awm lawh baly, ni ly mymy i sa tamang nai kamngo y dei ai. Vaichi khala y ni i kahawi sa naichi ai kaimy pany pi ai ny y. Huna nai khala huni khumi i dei nai molam ly nang i phu ne.

Ezekiela 33:12

“Nang khumicho awi, khumi kahawi kamngo sa nai khala, mymy i hawi sa naichi my ni ai atleu pajau ai ny y, nanai ly Israela chengchi teng y thui pi. Khumi hawi y nai ly mymy i hawi y sa naichi anawn vui lawh baly, ni ly kamngo pajeng naira avum ai ny y. Khumi kahawi ly kamngo sa nai khala, ni ly hengra nga ai ny y.

Ezekiela 33:6

Na i py tamcheaung ly paleung ka-e ang jeu nai niu iy pany hai nai baw eng y naimy awm lawh baly, paleung ka-e ang jeu iy leaung leaungrei tleh naira avum baly huni khumi ly mymy i kamngo y dei teu i py, huna nai dei nai khumi i molam ly tamcheaung i phu ne ai.

Ezekiela 34:10

Sa thai naira angym nai kai, Areng ly nangchi i paleung ka-e ne iy, kai i beramchi ly nangmy kry ai nai kalop ne, nanai angchi khyp thai hai nai bo. Kai ly kaimy i beramchi ai nangchi teng i nai la vui ai. Nangchi ly mana khala py nichi ai kry ai nai hawi, nangmychi ai naini akry ai nai py kang pei ai ny y. Beramchi ly nangchi i teicha lawm y pa-rei, kai ly kaimy i beramchi ai nangchi kiu i nai atleu ai.

Kati Nai 26:65

Huni khumi bawibawichi ly Areng my daichi ka-vym theung y dei u be be ai, nanai leu thui yb nai kamta, Jephonneh i chapo Kaleb hawi Nun i chapo Josua nini ny y baly, bawibawichi ly dei bebe nai ne.

LUKA 13:3

Ny y leang, kang thui pi, nangchi py ukhei y baly hunai kamta tama be ai.

LUKA 13:5

Ny y leang, kang thui pi, nangchi py uikhei y baly hunai kamta tama be ai,” nanai pathang.

JOHAN 8:21

Naibaly mymy ly nichi teng y, “Kai ly chei veng ai bo he, nangchi ly kai ai hau ai i, nangchi i kamngo awm jo naimy dei u ai: kai i chei ai naira y nangchi jeu thai y leang,” napi bi.

JOHAN 8:24

Hunai deaungkho y chy bo, ‘Nangchi i kamngo awm jo naimy dei u ai,’ kang napi nai ly; huni ly kai ne, nanai nangchi ym y baly, nangchi i kamngo awm jo naimy dei u thle thle ai,” napi.

AMTAW 2:40

Naibaly leu takhra takhra neangneang hawihai palai thui pi i, “vai deung kangthau sa ta-li naichi theung i nai apalawi u,” nanai pachei.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

I TIMOTHEI 4:16

Nangmy hawi nang i patiu naira y ly amkym ly. Hunichi ly so veangveang; nang ly hunai kamta sa naira y ly nangmy hawi nang i leu tangai naichi ai py paheng ai.

I TIMOTHEI 5:22

Ami i tlang tleaung y kiu tamam praw moh ly, khumi takhrachi i kamngo naira y py abawi moh; chai parai naimy awm thai ai nai hawihai palai atyp ly.

1 SAMUELA 8:9

Hunai deaungkho y nichi i thui nai leu tangai pi; na i py samrang my peang nai khala y, samrang i reita tanynchi thui pi iy hawihai palai dawn hai patyp,” nanai leu pei.