Ezekiela 27:3 - Khumi Common Language Bible

³ Huni mary ly pangli peang y awm i, pangli peang jeungrei y awm nai marychi hawi ka-sum ka-pai sa nai ne. Ni teng y sa thai naira angym nai Areng my ati mana leu pei mo, nanai hina nai amti pi. “Nang Turu mary awi, nang ly kamngo thuira by y na pa-rei apu parai nai deaungkho y amlyh reng nai ne.

Ezekiela 27:3 ပူးပေါင်းရင်းမြစ်များ

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 83:7

Kebala, Ammon, Amalek, Philistia chengchi hawi, Turu mary i khumichi abawi u nai ne.

LEU KACHENG 31:14

Ni ly ka-sum ka-pai sa nai samphochi kamta, kamlo i dengdairei teicha teineichi ai, yhm y vawi hai reng.

ISAIA 23:11

Areng ly pangli salo y kiu pheu iy, huni prichi ai phra hai pawn bo. Phoenisiachi i ka-sum ka-pai sa nai meingtymchi taphra pawn ai nai py, leu pei pi veng bo.

Ezekiela 16:15

“Na i py nang ly nangmy i mo-cha hawi nai hawi, amthang nai sai y a-ym iy bima lawm bo. Nang ly nang teng y ang jeu nai khumi ngiereichi hawi i ahawi nai ne. Nangmy i mo-cha kahawi py apasai y.

Ezekiela 26:12

Paleung ka-echi ly nang i yhmtheaung katuichi hawi vawnsaichi la u pawn ai. Nang i lengseaung apaichi panawi iy, nang i apu parai nai yhmchi taphra u ai. Nangchi i lengseaungchi, dengkeaungchi hawi yhm kaphrachi ai, pangli theung y aphi ai.

Ezekiela 26:17

Huna nai y nichi ly nang ai vo hai nai khulym thui u nai ly amthang parai nai mary ly phra veng lawh bo ly! Pangli sahawi y awm nai marychi ly taphra naira avum lawh bo. Hini mary i khumichi ly panglichi ai peang nai ne. Pangli peang y awm nai khumichi ai py jei hyn hai bo.

Ezekiela 27:4

Pangli ly nang i awmra yhm ne. Nang i kupe lasachi ly nang ai apu parai nai sampho kamta ang sa bo.

AMTENG HAI NAI 18:3

Mymy i angai naira i kado theu naira kreip athai hang deaungkho y cheng cheaungkhangchi ly atlym bo, khaileaung pri i samrangchi py mymy hawi angai iy, khaileaung pri i ka-pai sa nai keungchi ly mymy i tlamsa ala nai sa thai naira deaungkho y nang ra nang ra bo,” nanai aeu bo.