Ezekiela 27:22 - Khumi Common Language Bible

²² Sheba hawi Ramah marychira i ka-pai sa nai khumichi ly nang i vawnsaichi ai hawi keh nai mui katuichi, lengseaung vang katengchi, mukuchi hawi van u bo.

Ezekiela 27:22 ပူးပေါင်းရင်းမြစ်များ

ATITI AWM ANGCHEI NAI 10:7

kusha i kangpreangchi ly Seba khumi, Havila khumi, Sabta khumi, Raama khumi hawi Sabteka khumichi ne. Raama i kangpreangchi ly Seba, Dedan i khumichi ne.

ATITI AWM ANGCHEI NAI 43:11

Hunaibaly Ampo my nichi teng y, “Hina nai kamta so u; hini pri i theu nai atiti kahawichi napi nai maicha katli maidenrei, khawi hang maidenrei, mui katuichi, mura katli, tavau athai hawi baden athaichi paiso theung y lum iy, samrang i bangtang kalen i vui langseaung syn pi u.

1 NENG SATANG 1:9

Kusha i kangpreangchi ly Seba, Havila, Sabta, Raamah hawi Sabteka chengchi ne. Raamah i kangpreangchi ly Sheba hawi Dedan chengchi ne.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 72:15

Samrang ly heng sau sy! Arabia pri i mukuchi langseaung ngo sy; khumichi ly samrang i vui y avawrei chiu so pi u sy; Tameuh ly samrang ai amtheaung naira pei jojo sy.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

Ezekiela 23:42

Amo theu u lengleang nai khumi kangbawm katyn thai bo. Huni khumi kangbawm ly daichi ka-vymra i hawi nai khumichi ne. Nichi ly neampachy nini i kiu y ka-sichi pachiu pi iy, apu parai nai lukhymchi amym hai pi bo.

Ezekiela 28:13

Tameuh i Eden akho y awm naimy amia, diamond, topazi, berula, kanelian, Jasper, saphire, emerald hawi karanet napi nai vang kateng lengseaungchi amthyp ai nai nga bo. Nang i ateaungchi ly muku hawi pateaung nai ne. Huni ateaungchi ly nang ai chun nai kani y my, nang i vui sa pi yb nai ne.

Ezekiela 38:13

Sheba pri hawi Didan pri i khumichi, Spain pri marychi mang i ka-sum ka-pai sa naichi my, ‘Nang ly muku tangka hawi beram, si, vawnsaichi lawm ai nai jeu nai a? Atiura i vawnsai ngiereichi tawn vui ai nai tavaimi risachi kachu yb bo a?,’ nanai nang teng y ang deng u ai,” napi.