Ezekiela 27:18 - Khumi Common Language Bible

^18-19 Damaska mary i khumichi ly nang i vawnsaichi hawi nang i sa nai ateaung alangchi van iy, Uzala mary sahawi i Vawiden mary hawi Javawn mary i khumichi py, vawnsai ateaung alangchi i vui y helabon kreip hang, Sahah beram muichi hawi katheung u nai ne. Nichi ly tamo kangheng, mui katui amjyjychi hawi py, nang i vawnsaichi hawi katheung u bo.

Ezekiela 27:18 ပူးပေါင်းရင်းမြစ်များ

ATITI AWM ANGCHEI NAI 14:15

Naibaly mymy i tavaimichi ai amkawm hai akyhkyh iy vum y paleung ka-echi ai tiu u nai ly eaung bo. Damaska tosyh Hobah mary khrairei hui u.

ATITI AWM ANGCHEI NAI 15:2

Na i py Abram my, “Sa thai naira angym nai Areng, kai ly chanau by y pui naimy nang i pei nai kawn vang ly mana kanga thai ai mo? Kai i yhmtheaung kamtym ly Damaska mary y awm nai Elieza ne ryp veng bo.

ISAIA 7:8

Ati mana nai mo nabaly Suria pri i atho ly Damaska mary ne iy, Damaska mary i atho py samrang Rezin ne nai deaungkho y ne. Israela pri py saneng vuitariu saryh pangrei sala y phra ai i, pri harei kamta khaw pajau ai ny y leang bo.

JEREMIA 49:23

Areng my Damaska mary i molam y leu pei nai ly “Hamath mary hawi Arpet mary i khumichi ly satang hawi y nai thai u nai deaungkho y, paleung bi paleung mawn iy paleung phra u nai ne. Paleung mawn nai ly pangli tui sampyhchi kamta, nichi i tlang tleaung y tym nai deaungkho y nichi ly paleung awmnem pajau y bo.

Ezekiela 27:33

Nang ly nangmy i vawnsaichi ai pangli vai pri takhra mang jo naira y, khumi cheng cheaungkhangchi i aly aeang naichi alaw hai bo. Nang i nawi parai nai vawnsaichi ly samrangchi ai nang chawn hai bo.

AMTAW 9:2

huni Lam y awm nai niu nai ngierei ai ly, neampacho ai py neampachy ai py kawm iy, Jerusalem y pahawi thai ai nai, Damaska avang i achura yhm bawibawi y pei ai nai cha hnei.