Ezekiela 26:20 - Khumi Common Language Bible

²⁰ Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

Ezekiela 26:20 ပူးပေါင်းရင်းမြစ်များ

SAM 27:13

Areng i hawi nairachi hini deung y kai ly niu ai, nanai ym bo.

SAM 28:1

Kai i abyhra aw Areng, kai ly nang teng y kaau bo. Pathang pi kyh ba! Nangmy pathang pi y baly kai ly tavau kho y chei ai nai tla ai.

ISAIA 14:10

Nichi bawibawi my Babulon samrang teng y, ‘Vai nang ly kaichi kamta, atho by y lawh bo ly! Kaichi theung y abawi teang nai lawm lawh bo lo-oh!’

ISAIA 14:9

Tavau pri ly Babulon samrang ai lamchung ai nai angveirym nai ne. Khaileaung pri y awm nai thym khala, khri pa-rei sa thai naira awm nai khumichi i phailochi ly aleaung ali u bo. Samrangchi i phailochi py, mychi i samrang atehrachira i nai ang thau u bo.

ISAIA 4:5

Naibaly Zion mawi hawi huni meingtym y awm achu nai khumi bawibawichi tlang tleaung y, Areng ly kanithun y tamai, vum y maikhyh hawi maiteaung pato pi ai. Tameuh i nang parai nai ly mary verei y khiu iy ama hai ai.

ISAIA 59:10

Achi ly mei kamjuchi kamta, pathang meimang iy tako u nai ne. Achi ly kanithun tang y malawn py vum y kamta, pathuikhe iy avah u bo. No-na by y nai khumichi i sala y kaichi ly veng pam nai tavau pri y tym nai kamta ne.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

TANGAM NAI LEU 3:6

Mymy ly kai ai jangni i dei nai khumichi kamta kaveng theung y awm ai nai ang khai bo.

Ezekiela 31:14

Hunai deaungkho y mana tanrei tui nga teu i py, vai i dengdairei mani keung py huni saitleang keung tanrei, changpichi salo mang y asang ai ny y. Huni keung salyh kamsuichi ly khupanym y tym pa-rei asang ai ny y. Huni dengkeaung keung bawibawichi py khumichi kamta, khaileaung y dei iy tavau pri y ang vum u ai,” napi.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

AMOS 9:2

Khaileaung y angawm tai iy tavau pri y aheu teu i py, kai ly nichi ai ngo y nai nga pa-rei patiu ai. Kani mang y lyn kalau teu i py, nichi ai atheu kathiu ai.

JONA 2:2

“Aw Areng, kai ly patang naira avum nai deaungkho y, nang teng y kang kaau bo. Nangmy py thai nai ne. Kai ly dei kho peang i dengdairei nang ai kang kaau nai raawi ly nangmy thai bo.

JONA 2:6

Kai ly mawichi kheutang y tym pa-rei py, vawi lam by y nai tavau pri mang y py, anum vui bo. Na i py, aw kai i Areng Tameuh, nang ly kai ai thiu paraira i dengdairei atleu bo.

ZEKHARIAH 2:8

Nangchi ai tiu nai khumi ly kai i tahm khai keh nai ai tiu nai khumi ne,” napi. Hunai deaungkho y mymy i khumichi ai tiu nai khumichi teng y, hini satang thui pi ai nai kai ai ati cheaungkhang sa thai nai Areng my pato nai ne.

Kati Nai 16:30

Na i py Areng ly thai vai y nai sai sairei sa iy, nichi hawi vanrei nichi i vawnsaichi ai khaileaung my pajawn vui ai i, nichi ly kangheng tang my dei baly, nichi ai Areng my pajeng nai ne, nanai pany u ai,” napi.

Kati Nai 16:33

Hunai deaungkho y nichi ly mymychi i yhmtheaung katuichi hawi vanrei, tavau pri y kangheng tang my ang vum u bo. Nichi ly khaileaung my pajawn nai deaungkho y tama pawn nai ne.

MATTHAI 11:23

Naibaly nang Kapernaum avang awi! Nang ai ly kani pri y tym pa-rei tahm pasang ai a? Nang ai ly tavau kho y tym pa-rei tahm panem ai na a; nangmy i meingtym y atiti rengrang sa naichi ly Sodom avang y sa nai ne iy khyly, huni avang ly vai khrairei awm jo ai bo.

LUKA 10:15

Naibaly nang Kapernaum avang awi, nang ai ly kani pri y tym pa-rei tahm pasang ai a? Nang ai ly tavau kho y tym pa-rei tahm panem ai na a.

II PETERA 2:5

naibaly mymy ai tahm khai y naichi i awm nai khaileaung pri ai ly tuibai theu hai i, jangni i khaileaung pri ai ly khai y iy, hawi nai leu thui nai keung Nova ai hawi, khumi takhra leaung saryhreichi ai paheng baly: