Ezekiela 26:16 - Khumi Common Language Bible16 Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai. အခန်းကိုကြည့်ပါ။ |
Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!
Sa thai naira angym nai Areng my leu pei nai ly: “Tavau pri y saitleang keung ang vum nai kani y, kai ly khaileaung theung i tavo tuichi my huni ai um hai iy, vo tangam nai ka-ma-ra lawm hai ai. Kai ly tavochi ai anawn hai iy tavo micheaungchi ai tui leaung hai y ai. Huni saitleang keung ly dei nai deaungkho y, kai ly Lebanon mawichi ai kaveng tym hai iy, daichi theung i dengkeaung bawibawichi jeirawm hai ai.
Samrang ly vo tangam naimy awm ai; samrang i chapo py athang khai naira awm ai ny y; khumi mipuichi ly jei hyn naimy awm u ai. Kai ly nangchi ai nangmychi i sa naichi deaungkho y pajeng ai. Nangchi ly khumi takhra ai tara chih u nai kamta, nangchi ai kaimy tara kangchih ai. Hina nai hawi my kai ly Areng ne, nanai nangchi pany u ai,” napi.