Ezekiela 26:11 - Khumi Common Language Bible

¹¹ Nichi i keaungngo atang nai risachi ly nang i lamchira y tako prei ai i, khumichi ai haisau hawi tleh u ai. Nang i khaw parai nai lengseaung leungchengchi ly khaileaung y atlym pawn ai.

Ezekiela 26:11 ပူးပေါင်းရင်းမြစ်များ

ISAIA 26:5

Mymy ly paleung len amlyh nai khumichi ai tahm panem vui chum baly, nichi i awm nai khaw parai nai mary taphra vui iy, mary apaichi ai speungra y anawi hai ai.

ISAIA 5:28

Nichi i thailiho chynchi ly chiu parai i, thailihochi py a-eaung ai nai angveirym bo. Nichi i keaungngo muikenchi ly maiho lengseaung kamta tang iy, ka-ri amlira kheuchi py ali lengli kamta ami kaliki na bo.

JEREMIA 43:13

Ni ly Aikupta pri i kanito mary puira y awm nai ka-ma-ra leungcheng pado naichi taphra pawn iy, Aikupta pri i tameuh achura yhmchi ai mai leng pawn ai,’ nanai leu pei nai thui pi,” napi.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.