Ezekiela 26:10 - Khumi Common Language Bible

¹⁰ Nichi i keaungngochi deaungkho y khyhmeung nai spryhchi ly nang ai taphum ai. Mary theung y khumichi kun u nai kamta, phra nai mary katheuchi mang y kun prei iy, keaungngochi i ka-ri ryh nai katyn hawi tavai keaungngo ka-ri ryh nai katynchi ly nang i mary apaichi amchyh hai ai.

Ezekiela 26:10 ပူးပေါင်းရင်းမြစ်များ

JEREMIA 39:3

(Jerusalem mary ai peang vui nai khala Nerkala sareza, Shamka Nebo, Sarsekhim hawi takhra Nerkala Sarezachi raurei, Babulon samrang i bangtangchi ly umtang i katheu pa-kho mang y chei iy ateh u bo.)

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 47:3

Nichi ly keaungngo muiken katynchi hawi keaungngo ka-ri amli nai katynchi thai u ai. Ampochi ly mychi i cho chanauchi ai khen ali y. Nichi i kiuchi py atho kheih i, tla thlawi pawn ai.

Ezekiela 23:24

Nichi ly tavai ateaung, tavai keaungngo ka-richi, cha nei vawn tang nai ka-richi syn iy, tavaimi kanghu pui hawi nang ai tosyh mang ang tiu ai. Nichi ly khopuichi adang naimy tamo lukhymchi adeung iy, nang ai ang katanmeuh ai. Kai ly nang ai nichi i kiu y pajeng ai nai au ai. Nichi my py mymychi i reita y, nang ai tara angchih u ai.

Ezekiela 26:15

Turu mary ai Areng my leu pei nai ly: “Nang ai paleung ka-e my eaung nai neng khala, dei naichi hawi tamo nga nai khumichi i hang nai katynchi molam y, pangli peang y awm nai khumichi ly jei hyn u ai.

Ezekiela 26:7

Sa thai naira angym nai Areng my, “Samrang leilachi theung y len keh nai Babulon samrang Nebukhadnezar ai, Turu mary y tiu ai nai kaimy kang hawi ai. Ni ly samrang leilachi i samrang lawm iy keaungngochi, tavai keaungngo ka-richi, keaungngo atang nai risachi hawi vanrei, tavaimi kanghu pui hawi tosyh mang dengdairei ang jeu ai.

Ezekiela 26:9

Nang i mary apaichi ai dengkeaung beangchi hawi deng iy amtangrachi py tamochi hawi panawi u ai.

Ezekiela 27:28

Sampho akhum naira i samphora kalop sa nai khumichi aeu nai raawi ly tui peang jeungrei avah na bo.

JOSUA 6:20

Naibaly pathyp pi nai keungchi my baw eng phai eng baly, khumi bawibawichi ly tao pajeng parai pa-rei aeu u i, mary apaichi anawi seaungkhrang na bo. Israela cheng bawibawichi ly mary theung y rai y naimy kun u i, mary ai vym vui bo.

JOSUA 6:5

Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.