Ezekiela 24:9 - Khumi Common Language Bible

⁹ Naibaly sa thai naira angym nai Areng my leu pei nai ly “Khumi ai padei naichi i mary ly taham si! Kaimy thengchi tei ai.

Ezekiela 24:9 ပူးပေါင်းရင်းမြစ်များ

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 31:9

Nichi i samrang py jei i, preang vui ai. Tavailu arengchi ly mychi i tavai tamkhawnchi khai u su ai,” napi. Huni ly Areng my leu pei nai ne. Mymy ly Jerusalem mary y khumichi my chiu nai Areng ne iy, mymy i mai kangveaung py tawnbawichi ai leng patlum ai nai angveaung nai ne.

Ezekiela 21:2

Mymy ly “Nang khumicho awi, Jerusalem mary mang y hi iy, huni mary ai thui tamawn ba. Khumichi i chiu nai meingtymchi ai py thui tamawn ba. Israela pri y pany hai pi ba.

Ezekiela 21:3

Khumichi teng y kai, Areng ly nangchi i paleung ka-e ne, nanai py, kaimy i haisau aphiu iy nangchi bawibawi ai khumi hawi nai, hawi y nai py patleh y naimy, tamyh pawn ai nanai py,

Ezekiela 22:2

Mymy ly “Nang khumicho awi, nang ly khumi ai padei nai keungchi kawi nanai mary ai tara chih ai nai angveirym bo a? Huni mary ai my i sa nai amso ngai naira bawibawichi patei pi.

Ezekiela 22:31

Hunai deaungkho y kai ly kado theu naira tym hai iy nichi i tlang tleaung y kado katheu mai kangveaung kamta tym hai ai. Nichi i sa nai saichi molam y nichi i lu tleaung y tym hai ai,” napi. Hini ly sa thai naira angym nai Areng i pei nai leu ne.

Ezekiela 24:10

Thengchi jeu hai bi rai! Mai angveaung ai nai ho pi! Ngan bawichi theaung ly kamui kalangchi thiu iy byh hang tie pa-rei theaung! Hiuchi ly mai y veang pawn veng!

Ezekiela 24:5

Veung hawi keh nai beram mawichi naini theaung ba; laawm anui mang theng tei ly tui kado hai thluthlu iy hiu hawi nganbawichi byh ba,” napi.

Ezekiela 24:6

Sa thai naira angym nai Areng my leu pei nai ly “Khumi ai padei naichi i mary ly taham si! Huni ai ly mana khala py kachi vai y naimy khai nai deaungkho y, eicha nai laawm hawi atawm. Laawm theung i mawi akawichi ai akawi akawirei takhyh ly laawm theung y by y pa-rei takhyh.

NAHUM 3:1

Tiu lawm nai avum ai nai, nang chawn nai mary, li-tapawp iy khumi ai padei reng nai mary ly taham si.

HABAKKUK 2:12

Nangchi ly taham si u! Nangchi ly reita taphrara y sangum pala i, khumi ai padei iy mary sa bo.

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.

AMTENG HAI NAI 14:20

Naibaly kreip athai ati nai angawm y ly avang pui angam mang y ati u bo, naibaly kreip athai ati nai angawm i dengdairei ly thi ang leaung bo, hlau sang atlo chungvai tariu ryrei keaungngochi i tamo pakeang naira tym pa-rei um nai ne.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.