Ezekiela 24:3 - Khumi Common Language Bible

³ Atiu reng nai kai i khumichi teng y, nichi i vui sa thai naira angym nai kai, Areng my pata nai leu thui pi nai amti pi; huni pata nai leu ly: laawm ai maithu salo y pateang iy tui sa chum baly

Ezekiela 24:3 ပူးပေါင်းရင်းမြစ်များ

2 ARENG KEH 4:38

Tlenrei khala y, huni pri y takang theu i, Elisa ly Kilakala mary y vawi teang bo. Ni ly amochi ai atiti patiu pi nai thym khala, huni khumichi i vui laawm pui harei hawi an theaung pi ai nai, my i miseaung ai leu pei.

SAM 78:2

Amsi pajochi my thui pi nai deaungkho y kaichi thai nai,

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 29:2

naibaly Tameuh ly “Tameuh i maicham,” nanai amyn pathi nai mary y ka-jeira naini tym hai ai. Khumichi ly vo tangam u ai. Mary verei py kapathyprachi talam nai maicham lawm vui ai.

ISAIA 30:1

Areng my, “Juda pri y peang nai khumichi ly taham si! Ati mana nai mo nabaly, nichi ly kai ai niu ngai y nai deaungkho y ne. Nichi ly kai i kangai hawi athli vui nai ka-dawnchi sa iy, kaimy pei y naimy amso amnaichi asa iy kamngo harei salo y harei panawira nai sa tamang u bo.

ISAIA 30:9

Nichi ly Tameuh ai avawrei tiu naimy, avawrei tapawp naimy, Areng i leu ai avawrei akhi naimy awm u nai ne.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

JEREMIA 1:13

Naibaly Areng ly kai ai leu ang pei bi bo. Mymy ly “Nang ly ati takhra niu bi rai mo? " nanai angdeang. Kaimy, “Tosyh mang y tuibi kado nai laawm kaniu; huni laawm ly tokalawi mang y cheaungkai i, aliu vi nai kamta awm,” nanai kapathang.

JEREMIA 1:14

Mymy ly kai teng y, “Hini pri y awm nai khumi bawibawichi tlang tleaung y tosyh mang dengdairei, patang naira tym ai.

Ezekiela 11:11

Seng-y-kang pangdai ly mawi ai ama hai nai kamta, hini mary ly nangchi ai ama hai ai ny y. Israela pri khujyh y kai ly nangchi ai kang pajeng ai.

Ezekiela 11:3

Nichi my, ‘Achi ly kra y nai sala y yhmchi sa u bi ai. Hini mary ly Seng-y-kang pangdai hawi atawm iy, achi ly huni laawm theung i mawi hawi atawm,’ nanai thui u. Na i py huni laawm my kaichi ai mai i nai ama hai ai,’ nanai thui u bo.

Ezekiela 11:7

“Hunai deaungkho y sa thai naira awm nai Areng my leu pei nai ly hini mary ly Seng-y-kang pangdai ne khyp. Na i py mawi ly atichi mo? Nangchi i kiu y dei nai veuchi ne lawh ly! Naibaly kai ly nangchi ai mary angam mang y patheu pawn ai!

Ezekiela 12:2

Mymy ly “Nang khumicho awi, nang ly atiu ham nai khumi cheng theung y awm nai ne. Nichi ly mei awm i py ati sai py niu u y, kano awm i py ati sai py thai u y. Ati mana nai mo na baly nichi ly atiu ham naichi ne nai deaungkho y ne.

Ezekiela 12:25

Kai, Areng my nichi teng y leu pei nai kamta sa khyp ai nai tla ai, kra ai ny y. Nangchi atiu ham naichi awi, nangchi ai kaimy pany hai nai kamta ly nangchi heng nai deung y my kang sa ai. Hini ly kai i thui nai leu ne,” nanai sa thai naira awm nai Areng my leu pei bo.

Ezekiela 17:12

“Hini pata nai leu i awm nai sai pany u a?, nanai huni atiu reng nai khumichi teng y deng cham; Babulon samrang ly Jerusalem mary y jeu iy samrang hawi vanrei, mymy i bangtangchi ai Babulon mary mang y hawi vui nai satang huni khumichi teng y thui pi.

Ezekiela 17:2

Mymy ly “Nang khumicho awi, Israela chengchi teng y pata nai thui pi;

Ezekiela 2:2

Huni leu raawi thai nai thym khala y my Tameuh i phailo ly kai teng y kun iy, kai ai sabawm nai angdo hai bo. Naibaly raawi theu bi i,

Ezekiela 2:3

“Nang khumi cho awi, kai ai tiu nai Israela khumichi theng y nang ai kang pato ai. Nichi ly mymychi i amsi pajochi kamta, vai khrairei kai ai ang tiu u nai ne.

Ezekiela 2:5

Nichi ly tiusi nai khumichi ne nai deaungkho y, nang i leu tangai i py ne sy, tangai y i py ne sy, mymychi theung y amo leaungrei awm, nanai pany u ai.

Ezekiela 2:6

“Na i py nang, khumi cho awi, nang ly nichi ai py, nichi i thui nai leu ai py jei moh, kaso py theu moh. Nichi ly nang ai aleng keungchi kamta ang katanmeuh ai. Nang ly kani taai reaung y awm nai kamta lawm ai. Nichi ly huna nai atiu reng nai khumichi ne nai deaungkho y ne.

Ezekiela 2:8

“Nang khumi cho awi, kai i leu pei nai tangai ly nichi kamta tiu moh; nang i labeaung ang ly kai i pei nai cho,” napi.

Ezekiela 20:49

Kaimy, “Aw sa thai naira angym nai Areng, hini leu ly kai ai thui hai moh kyh! Kai ly pypraw thai y nai leu thui nai teu, nanai khumi bawibawichi my ang thui u bo,” napi.

Ezekiela 24:6

Sa thai naira angym nai Areng my leu pei nai ly “Khumi ai padei naichi i mary ly taham si! Huni ai ly mana khala py kachi vai y naimy khai nai deaungkho y, eicha nai laawm hawi atawm. Laawm theung i mawi akawichi ai akawi akawirei takhyh ly laawm theung y by y pa-rei takhyh.

Ezekiela 3:9

Kai ly nang ai lengseaung tleaung y malawn py tang hai iy, diamond kamta tang hai ai. Huni tiu ham nai khumichi ai jei moh, kaso theu moh,’ napi.

MIKHA 2:4

Huna nai neng tym nai khala y khumichi my, nangchi patang naira avum nai leaungsai molam y, thui achih jo ai. Nangchi i heng nai deung y avum nai py, hina nai paleung si paleung mawn ai hawi nai khulym thui u ai: Achi ly angchi khyp, taham si i phra phro bo! Areng ly achi i pri ai, achi kiu i nai ang la pi veng iy, achi ai patiu nai khumichi kiu y au vui nai ne.

MARKA 12:12

Naibaly nichi ly mymy ai patiu ai nai sai hau: na i py khumi mipuichi ai jei; huni pata nai leu ly nichi ai padeang nai leu ne, nanai pany u bo.

LUKA 8:10

Naibaly mymy ly nichi teng y, “Tameuh i peang naira i leu kathiuchi ly nangchi pany ai nai pei bo; na i py khumi takhrachi teng y naini nichi ly niu iy py niu thai y ai nai hawi, kano y thai iy py dawn naira pany thai y ai nai, pata nai leu harei thui khyh.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.