Ezekiela 23:4 - Khumi Common Language Bible

⁴ Amjo ai ly Ahola,amnau ai ly Aholiba, nanai amyn pathi nai ne. (Ahola ly Samari mary ai amyn apu iy, Aholiba ly Jerusalem mary ai amyn apu nai ne.) Kai ly nini leaungnyhrei ai pom mei i, nini my cho chanauchi sa pi.

Ezekiela 23:4 ပူးပေါင်းရင်းမြစ်များ

1 ARENG KEH 12:20

Israela chengchi ly Aikupta pri i dengdairei Jeroboam vawi ali teang bo, nanai satang thai nai khala y, ni ai mipui leu ka-rumra y palau i, Israela samrang y palyn u bo. Juda cheng naini Davida i kangpreangchi tlang tleaung y ka-ym awm u nai ne.

1 ARENG KEH 8:29

Nang ai chiu ai nai nangmy vawi takhra pi nai, hini Achura Yhm ai vum kanithun typ pi jojo kyh ba. Hini Achura Yhm mang y mo tha naimy kai, chiu sa nai khala tangai pi kyh ba.

SAM 76:2

Mymy i yhm ly Jerusalem mary y awm; mymy ly Zion mawi salo y awm nai ne.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 3:7

Huna nai sa chum nai bo y ni ly kai teng y ali ai ngaw khyh, nanai kadawn bo. Na i py ni ly ali teang y. Huna nai ali teang y nai ai ni i tuicho ka-ym by y nai Juda ly niu nai ne.

Ezekiela 16:20

“Hunaibaly nang ly kai hawi nga nai cho chanauchi ai la i, tawnbawi palawn iy mynchi teng y apathyp bo. Nang ly kai i tlang tleaung y ka-ym by y nai khyh chang y i, paleung anyp y naimy,

Ezekiela 16:40

“Nang ai lengseaung hawi aphi iy haisau hawi kalei ai nai nichi ly khumi kanghu pui kachu ai.

Ezekiela 16:46

“Nang i ngamjo neampachy ly mymy i chaniuchi hawi vanrei awm nai tosyh ngan mang i Samari mary ne. Nang i ngamnau neampachy ly mymy i chaniuchi hawi vanrei awm nai, tokalawi ngan mang i Sodom mary ne.

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

Ezekiela 23:3

Nini ly deaungdi nai Aikupta pri y awm nai thym khala y, myni i kanu ai panem piu naira avum i, anglo mo phra iy bimanu lawm hawi bo.

Ezekiela 23:36

Areng ly kai teng y, “Nang khumicho awi, nang ly Ahola hawi Aholiba nini ai tara chih ai nai angveirym bo a? Nini ly amso ngai nai atitichi sa hawi nai molam y tara pasau jau.

Ezekiela 23:44

Nichi ly bima nini teng y chei u taleang chei u taleang bo. Nichi ly neampachy hawi y nai Ahola hawi Aholiba nini teng y chei u taleang bi nai ne.

Ezekiela 23:5

Ahola ly kai i aju ne teu i py bima sa veangveang nai, Asuria pri mymy i tavawichi i vui y kamleaung paleung khei y nai ne.

HOSEA 1:3

Hunai deaungkho y Hosea ly Diblaim i chaniu Koma napi nai neampachy hawi yhmtheaung sa nai ne. Nini ly chapo chalu leaungrei tapen chum baly,

HOSEA 2:7

Ni ly tavawichi nithun hui teu i py, kai ai ny y, hau i py niu ai ny y. Huna nai khala ni my, “Kai ly juvo kangngym teng y vawi ali teang ai. Kai ly juvo kangtha hawi ateaung ahawi nai tleaung y, juvo kangngym hawi ateaung ahawi nai ly hawi keh alam ai,” nanai thui ai.

JOHAN 4:22

Nangchi i chiu nai ly nangchi pany y: kaichi i chiu nai ly kaichi pany; lawi hai ai naira ly Judachi theung i nai theu ai.

ROM AVANGCHI TENG Y PAWLA I CHA PA NAI 7:4

Hunai kamta teang amjo amnauchi awi, achi ly Tameuh mang y athai nga thai ai nai, nangchi ly khumi takhra, kadeichi theung i nai pathau chum veng nai keung hawi amtawm thai ai nai, Krista i tlang deaungkho y nangchi ai ly Reita molam y ang dei hai bo.