Ezekiela 23:3 - Khumi Common Language Bible

³ Nini ly deaungdi nai Aikupta pri y awm nai thym khala y, myni i kanu ai panem piu naira avum i, anglo mo phra iy bimanu lawm hawi bo.

Ezekiela 23:3 ပူးပေါင်းရင်းမြစ်များ

JEREMIA 3:9

Israela i hawi y nai ly mymy hawi abi abang y nai kamta, mychi i pri y chai hai y bo. Ni ly lengseaungchi, dengkeaung keungchi ai chiu iy tamang bo.

Ezekiela 16:15

“Na i py nang ly nangmy i mo-cha hawi nai hawi, amthang nai sai y a-ym iy bima lawm bo. Nang ly nang teng y ang jeu nai khumi ngiereichi hawi i ahawi nai ne. Nangmy i mo-cha kahawi py apasai y.

Ezekiela 16:22

Nang deaungdi nai khala tlang ka-keu naimy thinai theung y angtlen jo nai leaungsaichi ai, nang ly amso ngai hawi nai bima sa nai thym khala, tlenreichy py pany vau y nai sai a?,” napi nai ne.

Ezekiela 20:7

Kai ly nichi i Areng Tameuh ne nai deaungkho y, mychi i ngai nai amso ngai nai mynchi khai u su ai nai hawi, Aikupta pri tameuh ka-chawichi ai chiu nai molam y, amymychi ai chai hai y nai awm y ai nai nichi ai thui pi.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

Ezekiela 23:19

Ni ly Aikupta pri y anglo chengthli nai khala i dengdairei sa nai kamta, vai py sa iy hawi y keh nai bima lawm bo.

Ezekiela 23:21

(Nang Aholiba awi, nang ly anglo chengthli nai thym khala, neampachochi my nang i kanu ai panem piu nai deaungkho y, anglo mo phra nai Aikupta pri y, kamleaung sa nai kamta, sa tamang bi ai nai ngai lawh ly.)

Ezekiela 23:34

Nang ly huni ai nei keng chum baly pakawi seaungkhrang iy, huni kakawichi hawimy amy i kanu ai o-piu vui ai. Hini ly sa thai naira angym nai kai, Areng i leu pei nai ne.

Ezekiela 23:4

Amjo ai ly Ahola,amnau ai ly Aholiba, nanai amyn pathi nai ne. (Ahola ly Samari mary ai amyn apu iy, Aholiba ly Jerusalem mary ai amyn apu nai ne.) Kai ly nini leaungnyhrei ai pom mei i, nini my cho chanauchi sa pi.

Ezekiela 23:43

Huni khumichi ly kamleaung sa nai molam y atho bai nanai neampachy ai bima palawn ai nai paleung ano rai na a, nanai kai ly kadawn nai ne.

Ezekiela 23:8

Ni ly my i mo-cha phra hai nai Aikupta pri y sa amteaung nai bima kalop ai sa jojo nai ne. Ni ly anglo cheangthli khala i ka-so my, neampachochi ly ni hawi vanrei i ahawi iy, ni ai bimanu y palawn u bo.

HOSEA 1:2

Areng ly Hosea dengdairei, Israela chengchi teng y leu pei manme nai ly “Nang ly chei iy neampachy leaungrei hawi yhmtheaung so ba. Nang i aju ly ka-ym by y nai neampachy ne ai. Nang i cho chanau py, nang i aju kamta ka-ym by y naichi lawm ai. Kai i khumichi py huna nai kamta, kai ai khai su iy leu atangai u y nai ne,” napi.

HOSEA 2:15

Ni i kreip akhochi py hawi hai teang iy, Akhaw, napi nai kamtang leaung hawi ai, athang khai naira katheu lawm hai ai. Ni ly saneng theang nai neng, Aikupta pri i dengdairei theu nai khala i kamta, kai ai tamen ali teang ai.

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

Leu Thui Nai 29:16

“Aikupta pri y py, cheng takhrachi i khu ka-peang tako prei naira y py, kaichi i heng nai sai nangchi pany u bo.

JOSUA 24:14

Josua my thui bi i, “Vai nangchi ly Areng ai jei kaji naimy tahm khai iy, mymy i kalop ai paleung hawi verei, ka-ym awm naimy so u. Mesopotamia pri hawi Aikupta pri y nangchi i amsi pajochi my chiu nai tameuhchi ai khai su iy, Areng ai naini chiu u.

AMTENG HAI NAI 11:8

Naibaly nini i Areng ai kraws tleaung y tahen naira, phailo mang i dawn pata naira y ly Sodom hawi Aikupta napi nai avang kalen pui i lam ly nini i veu awm hawi ai.