Ezekiela 22:9 - Khumi Common Language Bible

⁹ Nang theung i phyrei khumichi ly ka-jo pakei iy, khumi takhrachi ai padei ai nai tau u nai ne. Nang theung i phyrei khumichi ly mawi salo chiu nai meingtymra i mynchi teng y apathyp nai mawi cha u. Phyrei khumichi ly kamleaung sa naira y amo theu u nai ne.

Ezekiela 22:9 ပူးပေါင်းရင်းမြစ်များ

SAM 101:5

Khumi takhra i hawi y sa nai satang ai, leu kamsyh y thui reng nai khumi ai ly nawi su veng ai; amlyh am-e naimy paleung asang nai khumi ai ly kham pi ai ny y.

SAM 106:28

Naibaly Tameuh i khumichi ly Bala tameuh ai peor meingtym y chiu iy, tameuh kadeichi teng y apathyp nai mawichi cha ai nai amkawm u bo.

SAM 50:20

Amy i amjo amnau kypkyp ai malawn py thui tamawn reng nai ne.

THEU NAI 20:16

“Amichi ai ka-chawi naimy seu rumrang moh.

THEU NAI 23:1

Nangchi ly teng y nai satang kamngo sa nai khumi mang y, teng y nai pany hai nai keung lawm moh.

LEU KACHENG 10:18

Amy i niu ngai y nai paleung apha vui nai khumi ly ka-chawi thui nai khumi ne. Thui preaung reng nai khumi ly khumi ka-khum ne.

LEU KACHENG 18:8

Ka-jo pakei nai leu ly tui parai nai teicha teinei kamta ne i, huni ai ly achi my pajawn ai nai ngai reng nai ne.

LEU KACHENG 26:22

Ka-jo pakei nai leu ly tui parai nai teicha teinei ne i, achi ly huni ai pajawn reng lawh ly!

JEREMIA 6:28

Nichi bawibawi ly paleung tang nai langmeang thau naichi ne. Nichi ly kheupaja hawi tamo kamta tang u nai ne. Nichi ly aki aleaung iy leu pakei u reng nai, khumi hawi y naichi ne.

JEREMIA 9:4

Khumi luteng ly amychi i ahawi ka-dawichi ai amkyn ai nai tla. Ami mi py amy i amjo amnau ai ym ai nai aso y. Ati mana nai mo nabaly amjo amnau ne i py Jakob kamta tapawp iy Khumichi ly amy i ahawi ka-dawichi ai thui tamawn u reng nai deaungkho y ne.

Ezekiela 11:6

Nangchi my padei nai khumichi ly khri pa-rei nawi nai deaungkho y, lamchi ly khumi veuchi hawimy kawi na veng bo.

Ezekiela 16:43

Nang ly nangmy deaungdi khala i satang ai tami veng iy, hawi y naira cheaungkhangchi sa nai ly kai ai kado theu hai nai ne. Huna nai y huni leaungsaichi molam y, kai ly nang ai kang pajeng ai. Nang ly hawi y nairachi sa nai bo y, takhra amso ngai hawi naichi ai ati mana nai sa panawi bi lawh mo?,” napi. Hini ly sa thai naira angym nai Areng i thui nai leu ne.

Ezekiela 18:11

Huni chapo ly mawi saleung i chiu nai meingtymra y apathyp nai mawichi py cha; ami i aju chanau py taphra.

Ezekiela 18:15

Ni ly Israela chengchi i myn ai chiu y; mawi saleung y chiu nai meingtymra i apathyp nai mawi py cho y; ami i aju chanau py taphra y,

Ezekiela 18:6

huni khumi ly Israela chengchi chiu nai mynchi ai chiu y, mawi saleung i chiu nai meingtymra y apathyp nai mawi py cho y. Ami i aju chanau ai py taphra y, tlangchai awm nai neampachy hawi py apho y.

Ezekiela 23:29

Nichi ly nang ai niu ngai y i, nang i pateung achu nai vawnsai ngiereichi la vui iy, nang ai tlang ka-keu naimy ang khai u su ai. Nang ai tlang ka-keu naimy awm nai bima kamta lawm hai ai. Nang ly kamleaung paleung awm nai hawi bima kalop sa nai deaungkho y,

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

HOSEA 4:10

Nangchi ly kapathypra phy nga nai cha u i py, kajeu kanglam dam u ai ny y. Nangchi ly cho chanau thawn ai nai tameuhchi ai chiu teu i py, cho chanau ngo u y; ati mana nai mo na baly nangchi ly kai, Tameuh ai khai su iy tameuh takhra ai chiu u bo.

HOSEA 4:14

Na i py kai ly nichi ai kapajeng y ai. Ati mana nai mo na baly nangmychi naimy tameuh takhra ai chiu nai meingtym i bimanuchi hawi amkawm iy, tameuh takhra teng y vanrei, apathyp u nai deaungkho y ne. ‘Tau cheng naira by y nai khumi ly phra ai’ nanai thui achih nai kamta ne.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HOSEA 6:9

Pathyp pi nai keungchi ly tiu lawm ai nai oh nai damra kamkawm hawi atawm. Nichi ly Sekhem mary mang y chei nai lam y malawn py, khumi ai tleh u nai ne. Nichi ly hina nai hawi y nai kalopchi sa u lawh ly!

HOSEA 7:4

Nichi bawibawi ly ka-ym by y naichi ne. Tako paawp nai khumi ly tako dei kangheang khai rym khala, mai katei y nai kamta, huni khumichi i niu ngai y nai paleung ly tako paawp nai takeangra i mai kamta bi-um jo nai ne.

Levi 19:16

Ami kangji nga ai nai leu ly ahei hai reng moh. Dei ai ataing nanai pa-rei tamang nai khumi ai tara chih nai thym khala, huni khumi mang y asa hai pajau nai pany naira awm lawh baly, apha y naimy pany hai pi ai nai tla. Kai ly Areng ne.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MATTHAI 26:59

Naibaly Isu ai padei u thai ai nai, pathyp pi nai keung kalenchi hawi tara chih nai keungchi bawibawi ly ni ai ka-chawi y seu ai naira hau u ryry;

AMTAW 24:13

Vai py nichi ly kai ai ang seu nai leu ly nang i ka-thai y py leu kateang amkhaw thai ai nai ny y leang.

AMTAW 24:5

Hini khumi ly khri pa-rei hawi y, khaileaung pri verei y Juda bawibawichi ai thui thli piupiu nai keung hawi, Nazaret khumichi i kamkawm pahawi keung len keh nai ne, nanai kaichi pany;

TARA CHIH NAI KEUNGCHI 20:6

Kai ly ni i veu syn iy tawpleu tawpleu chum baly, cheng theaung holai nyhreichi teng y, beang beangrei tha pi nai ne. Hini khumichi ly Israela chengchi theung y hawi y nai kalop, ta-li ta-pang sa u bo.

1 SAMUELA 24:10

Areng ly vaimy nang ai, kai i kiu y au bo, nanai nangmy niu pajau nai ne. Kai i khumi phyreichi my, nang ai padei vui ai nai ang napi. Na i py kai ly nang i vui paleung hawi y nai deaungkho y, nang ai ka-jeira maidenreichy py tym hai ai nai ngai y. Ati mana nai mo nabaly nang ly Areng my khai takhra nai samrang ne nai deaungkho y ne.