Ezekiela 21:7 - Khumi Common Language Bible

⁷ Nang ly ati mana nai y tangam nai mo, nanai khumichi my angdeang nai khala, nang i thai nai satangchi molam y tangam nai ne, nanai thui pi. Huna naichi tym nai khala, khumichi ly paleung kaso theu iy mynkym u na ai. Nichi i kiuchi ly nemthlo iy kheukhuchi py ahyn thlyhthlyh ai. Huna naichi tym ai nai neng tym bo, vaimy tym ryp bo,” napi. Hini ly sa thai naira angym nai Areng i thui nai leu ne.

Ezekiela 21:7 ပူးပေါင်းရင်းမြစ်များ

2 SAMUELA 17:10

Hunaibaly khrangsi kamta jei nai paleung tama iy, khri pa-rei vam parai nai khumichi malawn py angtheng u ai. Ati mana nai mo nabaly nang i ampo ly sorai risa pui leaungrei ne iy, ni i tavaimichi py tavai atiu kawp naichi, nanai Israela cheng vereichi pany u nai deaungkho y ne.

2 ARENG KEH 21:12

Hunai deaungkho y Israela chengchi i Tameuh, kai Areng ly satang thai nai khumichi lyh ai nai pa-rei, Jerusalem mary hawi Juda pri y ka-jeira tym hai ai.

SAM 58:7

Nichi ly leaung iy tama pawn reng nai tui kamta lawm u sy; khumi tako nai lamra i acha keungchi kamta, tei piu veng sy.

THEU NAI 15:15

Edom pri lu sa nai keungchi ly khri pa-rei kaso theu u; Moba pri miteaung kehchi ly jei hyn u; Kanan khumichi ly sorai paleung tama u bo.

ISAIA 13:7

Kamtang avum naimy vo tangam u. Khumi bawibawichi i kiu ly atho bai u ai. Huni khumichi ly paleung theang u ai.

ISAIA 28:19

Nichi ly nangchi ai khawn tleirei, ang tiu taleang ang tiu taleang bi ai. Nangchi ly vum kanithun patang u ai. Tameuh i leu pei nai tleirei y, jei hyn naimy awm u ai.

ISAIA 35:3

Atho bai nai kiuchi py, atho di ahyn nai kheukhuchi py, atho pei pi ai

ISAIA 7:2

Suria risachi ly Israela khu ka-peang theung y tym u bo, nanai Juda samrang thai nai khala y, ni hawi vanrei ni i khumi mipui bawibawichi ly khri pa-rei jei u bo. Ali theu iy ahyn nai dengkeaung ngamchi kamta, nichi i paleung ahyn u nai ne.

JEREMIA 26:12

Huna nai khala y kai ly lu sa naichi hawi khumichi teng y, “Hini Achura yhm hawi hini mary ai ka-awi sa iy, kai i thui nai ly nangchi thai u bo. Huni leuchi ly kai ai Areng my ang pato iy thui hai nai leuchi ne.

JEREMIA 49:23

Areng my Damaska mary i molam y leu pei nai ly “Hamath mary hawi Arpet mary i khumichi ly satang hawi y nai thai u nai deaungkho y, paleung bi paleung mawn iy paleung phra u nai ne. Paleung mawn nai ly pangli tui sampyhchi kamta, nichi i tlang tleaung y tym nai deaungkho y nichi ly paleung awmnem pajau y bo.

JEREMIA 50:43

Babulon samrang ly huni satang thai nai khala, mymy i kiubanchi py heang pajau y bo. Ni ly paleung bi naira tym i, deaungdi tapen nai neampachy kamta patang naira avum bo.

JEREMIA 8:18

Kai i paleung si nai rym vui pajau y. Kai i paleung ly patang bo.

TANGAM NAI LEU 5:17

Kaichi ly paleung phra iy meikatui angdeang nai deaungkho y, kaichi i mei ly khen nai niu pajau y na bo.

Ezekiela 20:49

Kaimy, “Aw sa thai naira angym nai Areng, hini leu ly kai ai thui hai moh kyh! Kai ly pypraw thai y nai leu thui nai teu, nanai khumi bawibawichi my ang thui u bo,” napi.

Ezekiela 21:15

Huni ly kai i khumichi ai paleung kaso theu hai iy, atlym khikha hai nai ne. Amlo sadi kamta sadi iy tleh ai khai yb nai haisau hawi, kai ly nichi i mary apai katheuchira y tleh ai nai huni haisau khai ai.

Ezekiela 21:6

“Nang khumicho awi, nang ly paleung si, paleung phra nai khumi ka-tawm tangam. Khumi ka-niu y khri pa-rei vo tangam ba.

Ezekiela 21:8

Areng i leu ly kai teng y tym;

Ezekiela 22:14

Nang ai kaimy pajeng chum baly, nang ly sorai paleung awm rai na a? Nang i kiu pheu ai nai atho awm rai na a? Kai, Areng my leu pei nai ne; kai ly kaimy i leu pei nai kamta kasa khyp ai.

Ezekiela 24:19

Khumichi my, “Nang ly ati mana nai y hina nai sa lawh mo?,” nanai kai teng y deng u nai ne.

Ezekiela 6:2

Mymy ly kai teng y, “Nang khumi cho awi, nang ly Israela mawichi ai khen iy nichi teng y kai i leu pei naichi thui pi.

Ezekiela 7:17

Khumi bawibawichi i kiuchi ly atho di iy, nichi i kheukhuchi py ahyn thlyhthlyh ai.

Ezekiela 7:26

Patang nairachi ly harei bo y harei ang tym ai i, nangchi ly satang hawi y nai avawrei thai u jojo ai. Nangchi ly amochi teng y nichi i paleung mei y niu naichi thui pi ai nai takeng u ai. Pathyp pi nai keungchi py khumichi ai thui parip ai nai ati sai py nga ai ny y. Miteaungchi py ati sai py tau pei u thai ai ny y.

DANIELA 5:6

meimai takhuisui vui nai ne. Ni ly khri pa-rei jei hyn na i, meimai kadau vui nai kheukhu ahyn thlyhthlyh na bo.

Levi 26:36

“Nangchi ly pri takhra y awm u nai thym khala, ali aho nai dengkeaung ngam katyn thai nai hawimy jei hyn iy, preang u ai. Nangchi ly tavai keung y paleung ka-e my preng nai y angpreng u nai kamta, angpreng ai. Nangchi sahawi y paleung ka-echi by y teu i py, nangchi ly atlym u ai.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

LUKA 21:26

khumichi ly jei nai hawi, khaileaung pri y atiti tym ai nai dawn nai deaungkho y dei vi dei vi ai; kani mang i atiti sa thai nairachi ai py ang hyn hai ai.

Leu Thui Nai 20:8

“Tavailuchi my khumichi teng y thui pi bi nai ly ‘Nangchi theung y jei si nai khumi awm a? Awm baly huni khumi ly yhm y vawi ali teang sy, ti y naimy ni deaungkho y takhra khumichi paleung phra ai,’ napi.

HEBRAI 12:12

Hunai deaungkho y kiu thlawithli thlawithlai nai pataw u, kheukhu thla thla thla na ahyn nai py amtaw u vui;

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

JOSUA 7:5

A-i mary i khumichi ly nichi ai mary apai pa-kho dengdairei, lengseaung tapiuchi awm nai meingtym ryrei tiu u i, mawi angthiura y Israela cheng leaung phai palyh tariurei vi padei iy, phyreichi ai langheng hawi u bo. Hunai deaungkho y Israela chengchi ly khri pa-rei paleung phra atho si u bo.

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;