Ezekiela 21:6 - Khumi Common Language Bible

⁶ “Nang khumicho awi, nang ly paleung si, paleung phra nai khumi ka-tawm tangam. Khumi ka-niu y khri pa-rei vo tangam ba.

Ezekiela 21:6 ပူးပေါင်းရင်းမြစ်များ

ISAIA 16:11

Kai ly Moba pri i vui paleung hawi y naimy, Kir Here mary i vui paleung si naimy tangam lawh bo.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

JEREMIA 19:10

Naibaly Areng ly kai ai kaimy hawi vanrei abang nai khumichi i mo y, chy-y pakawi hai phiu chum baly

JEREMIA 30:6

Adeng ahui iy adawn pasym u! Neampacho ly deaungdi tapen thai a? Huna lawh teu baly, neampacho nai iy deaungdi tapen nai kamtang avum nai neampachy kamta, ati mana nai y mychi i kajeu y kiu hawi panem nai kaniu lawh mo? Khumi luteng ly ati mana nai y, meimai kadaupa lawh mo?

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

Ezekiela 21:12

Nang khumicho awi, paleung si nai y vo naimy hang na ba; hini haisau ly kai i khumichi hawi Israela chengchi ai lu sa nai keungchi i vui ne. Nichi ly awm asai rai nai kai i khumichi theung y abawi naichi hawi vanrei padei ai nai tla ai. Paleung phra nai y nangmy i paleung y atum ba!

Ezekiela 21:5

kai, Areng ly kaimy i haisau ai haisau keura i nai aphiu bo nanai py, huni haisau ai keu theung y hawn ali teang ai ny y nanai py, khumi bawibawichi my pany u ai.

Ezekiela 21:7

Nang ly ati mana nai y tangam nai mo, nanai khumichi my angdeang nai khala, nang i thai nai satangchi molam y tangam nai ne, nanai thui pi. Huna naichi tym nai khala, khumichi ly paleung kaso theu iy mynkym u na ai. Nichi i kiuchi ly nemthlo iy kheukhuchi py ahyn thlyhthlyh ai. Huna naichi tym ai nai neng tym bo, vaimy tym ryp bo,” napi. Hini ly sa thai naira angym nai Areng i thui nai leu ne.

Ezekiela 32:18

Mymy ly “Nang khumicho awi, Aikupta pri khumi neangneangchi i vui y vo tangam hai ba. Nichi ai sa thai naira awm nai cheng takhra khumichi i chaniu anglochi hawi vanrei tavau pri y pato ba.

Ezekiela 37:20

“Nang i kiu y thengbeang nyhrei syn ly khumichi niu nai pa-rei patei pi.

Ezekiela 4:12

Nang ly khumichi i ei kajei hawi mai sa iy nga nai mai-ai tleaung y tako paawp khala, khumi ka-niu y cha ai nai tla,” napi.

Ezekiela 6:11

Sa thai naira awm nai Areng my, “Nangchi ly Israela chengchi i sa nai amso ngai nairachi molam y kiu atabeng ly! kheu achiu u! Paleungsi naimy vo tangam u. Nichi ly tavai keung y, ti y baly tahum takang y, ti y baly no kanghawi y mo dei u ai.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

DANIELA 5:6

meimai takhuisui vui nai ne. Ni ly khri pa-rei jei hyn na i, meimai kadau vui nai kheukhu ahyn thlyhthlyh na bo.

DANIELA 8:27

Kai, Daniela ly kani neangneang paleung atho di naimy no bo. Naibaly kai ly ang thau iy, samrang my pei nai kalop kasa nai ne. Na i py huni paleung mei hawi niu nai molam y paleung adi-adiu nai deaungkho y, kai ly huni i awm nai sai ai pany thai y na bo.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.