Ezekiela 21:3 - Khumi Common Language Bible

³ Khumichi teng y kai, Areng ly nangchi i paleung ka-e ne, nanai py, kaimy i haisau aphiu iy nangchi bawibawi ai khumi hawi nai, hawi y nai py patleh y naimy, tamyh pawn ai nanai py,

Ezekiela 21:3 ပူးပေါင်းရင်းမြစ်များ

SAM 17:13

Aw Areng, jeu ba! kai i paleung ka-echi ai neaung vui iy, taphra pi pawn ba! Nang i haisau hawi, khumi hawi y naichi kiu i nai kai ai atleu pi kyh ba.

SAM 80:17

Nangmy vawi takhra nai khumichi hawi atho awm pa-rei nangmy palum nai khumichi ai amo hai kyh ba.

SAM 83:15

nangmy i ali kani hawi nichi ai kamlo mang y paryh pawn ba; nangmy i ali kamchai hawi nichi ai jei hai ba.

THEU NAI 15:9

Paleung ka-ei my, ‘Kai ly nichi ai kai pa-rei hui iy katiu ai; nichi teng i nga nai yhmtheaung katuichi ly amji iy, kaimy i ngai nai ngierei kala ai; kai i haisau aphiu iy nichi ai katamyh pawn ai,’ nanai thui nai ne.

Parip nai leu 9:2

Khumi kahawi hawi khumi aso y naichi py, neaung hawi nai khumi hawi kyh nai khumi py, Tameuh i reita y paleung apei nai khumi hawi paleung apei y nai khumichi py, kapathypra talam nai khumi hawi talam y nai khumi py, atawm riri nai khym taham ly avum u nai ne. Neaung hawi nai khumi ly kamngo sa nai khumi tleaung y hawi keh nai ny y, vaineng abeu nai khumi ly vaineng abeu y nai khumi tleaung y hawi keh lawh y leang.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 21:13

Aw Jerusalem mary, nang ly adymra i lengseaung pui kamta, leaunghawichi salo y asang hawp naimy awm bo. Na i py kai, Areng ly nang ai kang tiu ai. Nang ly nangmy ai ami my py tiu pajau y, nang i amtangrachi ai py panawi pajau y, nanai thui nai ne.

JEREMIA 21:14

Na i py nang i sa naichi molam y kang pajeng ai. Kai ly nang i samrang yhm y mai kang hai ai. Huni mai ly tengpang sahawi y awm nai ngiereichi kang bebe ai. Hini ly kai Areng i thui nai leu ne,” napi.

JEREMIA 50:31

“Aw Babulon mary, nang ly amlyh am-e naira y kyh chawn nai deaungkho y, ati cheaungkhang sa thai nai keung Tameuh, kai Areng ly nang ai ka-awi sa ai! Nang ai kaimy pajeng ai nai neng kani ly tym bo.

JEREMIA 51:20

Areng my, “Aw Babulon mary, nang ly kai i tamo chaki, tavai atiu naira y kai i hai ne. Kai ly nang ai teaung iy khumi cheng cheaungkhangchi ai tamyh bo. Pri neangneangchi ai py phra hai nai ne.

JEREMIA 51:25

Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

Ezekiela 13:8

Naibaly nichi teng y sa thai naira awm nai Areng Tameuh my leu pei nai ly “Nangchi i leu ly teng y leang; nangchi i paleung mei y niu naichi ly li-tapawp naichi teu, kai ly nangchi ai ka-awi sa nai ne, nanai kai, Areng my leu kang pei bo.

Ezekiela 14:17

“Ti y baly kaimy huni pri y tavai atiu hai ai i, khumi hawi tawnbawichi raurei tamyh pawn ai nai taphra thai nai haichi pato nai khala y,

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 21:19

Mymy ly “Nang khumicho awi, Babulon samrang ly tiu ai nai haisau pa iy ang jeu pajau nai lam nyhrei ma kheng ba. Huni lam nyhrei ly pri harei mang dengdai amteaung ai. Huni mary mang y chei nai lam kamprei sangumra y ka-ma-ra teangchi leng ba.

Ezekiela 24:9

Naibaly sa thai naira angym nai Areng my leu pei nai ly “Khumi ai padei naichi i mary ly taham si! Kaimy thengchi tei ai.

Ezekiela 26:3

“Huna nai y vai sa thai naira angym nai kai, Areng my leu pei nai ly nang, Turu mary awi, kai ly nang i paleung ka-e ne. Nang ai tiu ai nai khumi cheng cheaungkhangchi ai kaimy kang hawi ai. Nichi ly pangli tui sampyhchi kamta, nang i awm naira mang y ang tym u ai.

Ezekiela 29:10

kai ly nang i paleung ka-e, Naing tavo i paleung ka-e py ne. Tosyh mang i Mikadol mary i ka-so, tokalawi mang Asavan mary y khrairei, Sudan khujyh ryrei, Aikupta pri verei y khumi angso savai tlang nai meingtym lawm hai ai.

Ezekiela 5:12

Nangchi theung i phy thomrei y phyrei khumichi ly marychi theung y no kanghawi, kajeu kanglam y dei u ai. Takhra phy thomrei y phyreichi ly mary angam mang y haisau tamo y dei u ai. Huni bo i phy thomrei y phyrei ai ly ali theung y pakheang pawn iy kaimy haisau hawi tleh ai.

Ezekiela 5:8

Hunai deaungkho y kai, sa thai naira awm nai Areng my leu kang pei nai ly aw Jerusalem mary, kai ly nang i paleung ka-e ne i, khumi cheng cheaungkhangchi i mo y nang ai kang pajeng ai.

Levi 26:25

Nangchi ly kai i Leu Maikawm taphra nai molam y, nangchi teng y tavai takai tym hai ai. Huna nai khala nangchi ly marychi mang preang iy abyh u baly, kai ly nangchi teng y asi sa iy hawi thai y nai no-nachi kang tym hai ai i, nangchi ly paleung ka-echi teng y tym u ai.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

AMOS 7:4

Kai ly sa thai naira angym nai Areng teng i paleung mei hawi kaniu bi bo. Huni paleung mei niu naira y mymy ly mymy i khumichi ai mai hawi pajeng ai nai angveirym nai kaniu. Huni mai ly khaileaung anui suida pangli verei mai kang chum baly, khaileaung salo y py mai kang amteaung bo.

NAHUM 2:13

Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.

NAHUM 3:5

Ati cheaungkhang sa thai nai Areng my, “Aw Ninevi mary, kai ly nang ai kang pajeng ai! Tlang ka-keu awm hai iy, khumi cheaungkhangchi ai khen ai nai pei ai. Nang i kangji nga nai ly prichi my niu u ai.

ZEPHANIAH 2:12

Areng ly Ethiopia khumichi ai py padei ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,