Ezekiela 20:9 - Khumi Common Language Bible

⁹ Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

Ezekiela 20:9 ပူးပေါင်းရင်းမြစ်များ

SAM 106:8

Na i py mymy ly mymy i sa thai naira khri pa-rei len parai nai patei pi ai nai adeu yb nai kamta nichi ai atleu bo.

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

THEU NAI 32:12

Aikupta chengchi my, nang ly Israela chengchi ai mawichira pahawi iy tamyh be ai nai, Aikupta pri i dengdairei pahawi nai teu, nanai thui y ai a? Kado theu hai me mo ly paleung amnym kyh jemjem ba; nang i khumichi tlang tleaung y pajeng naira tym hai mo kyh.

ISAIA 48:11

Kai ly ati mo sa i py, kaimy i tahm anem y ai nai sa. Kaimy i amyn phra ai nai kasa ai ny y. Kaimy leaungrei naini nga ai ataing nai nang parai nai py, takhra amimi ai py nga hai ai ny y,” napi.

Ezekiela 20:14

Na i py huna nai tamyh pawn lawh baly, pri cheaungkhangchi i mo y kai i amyn phra ai. Ati mana nai mo na baly nichi ai Aikupta pri i dengdairei kaimy pahawi nai ly khumi cheng cheaungkhangchi my niu nai deaungkho y ne.

Ezekiela 20:22

Na i py avum hai y; huna nai avum hai lawh baly Israela chengchi ai Aikupta pri i dengdairei kapahawi nai ai niu nai khumichi i mo y, kai i amyn phra ai nai deaungkho y ne.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

Leu Thui Nai 9:28

Hu ti y lawh baly Aikupta chengchi my, nang ly nichi ai adeu pi nai pri y pahawi pajau nai ny y, nanai thui u ai. Nang ly nangmy i khumichi ai niu ngai y nai deaungkho y, padei pawn ai nai daichi ka-vym theung y pahawi nai ne, nanai py thui u ai.

JOSUA 2:10

Nangchi Aikupta pri i dengdairei theu u nai khala, Areng ly nangchi tako u nai mo y pangli kamsen tui kang hai vui nai satang kaichi thau u nai ne. Jordan tavo nisi mang y peang nai Amori samrang leaung nyhrei, Sihon hawi Oka ai nangchi my mana padei u mo, nanai satang py kaichi thai.

JOSUA 7:9

Kanan cheng dengdairei, hini pri y awm nai khumi bawibawichi ly huni satang thai u i, kaichi ai katanmeuh iy leaungrei py tleaung y na pa-rei ang tleh u ai. Huna nai khala, nang i nang parai nai sai khumichi my tahm panem y ai nai mana sa ai mo?” napi.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.

1 SAMUELA 4:8

Huni sa thai naira len nai tameuhchi kiu i, ami my atleu ai mo? Huni tameuhchi ly Aikupta chengchi ai daichi ka-vym y tleh chauchau nai tameuhchi ne na a!