Ezekiela 20:41 - Khumi Common Language Bible

⁴¹ Nangchi ai ahei akyhkyh nai prichira i dengdairei, kaimy nangchi ai pangym ali teang nai bo y, nangchi leng patlum nai mui katui hawi vanrei nangchi ai kang kawn pi ai. Kai ly chai parai nai ne, nanai khumi cheng cheaungkhangchi my niu u ai.

Ezekiela 20:41 ပူးပေါင်းရင်းမြစ်များ

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

2 SAMUELA 24:23

Hini bawibawichi samrang nang teng y kang talam bo; nang i Areng Tameuh ly nang i talam naichi kawn pi na sy,” napi.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 30:18

Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JEREMIA 30:3

Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

Ezekiela 11:17

“Hunai deaungkho y sa thai naira awm nai kai Areng my leu pei nai ly nichi teng y thui pi. Kai ly cheng takhrachi theung i nai nangchi ai kang la teang iy, nichi ahei u dan nai prichira i nai, nichi ai kapangym ali teang ai. Israela pri py kapei pi ali teang ai.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 28:22

Huni mary i khumichi teng y sa thai naira angym nai kai, Areng i leu pei nai amti pi. Sidon mary awi, kai ly nang i paleung ka-e ne. Nang i tlang tleaung y kai i sa nai saichi molam y, khumichi ly kai ai palo u ai. Kai ly nang i khumichi ai pajeng iy kai i chai nai sai patei nai khala, kai ly Areng ne, nanai nichi pany u ai.

Ezekiela 28:25

Sa thai naira angym nai Areng my, “Pri takhrachira y ahei nai Israela chengchi ai kaimy pahawi ali teang ai. Kai ly kachai ne, nanai khumi cheng cheaungkhangchi my pany u ai. Israela chengchi ly mymychi i pri, kai i miseaung Jakob teng y kapei nai pri y awm u ai.

Ezekiela 34:11

“Sa thai naira angym nai kai, Areng my nangchi teng y leu pei nai ly ahei khrikhra nai bo y pakym ali teang nai beramchi ai beram typ nai keung my kry nai kamta, kai ly kaimy i beramchi ai hau iy kry ai. Kani khaileaung veng nai neng kani y nichi ahei khrikhra nai meingtym tleireira i nai, nichi ai kapalau ali teang ai.

Ezekiela 34:19

Kai i takhra beramchi ly nangchi kheu hawi chiu iy khai su nai acha cha naimy, nangchi i panu hai nai tui nei u nai ne.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

Ezekiela 38:16

kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

Ezekiela 38:8

Saneng neangneang kra nai bo y, kai ly ni ai tavai ateaungchi angvei naimy pri harei ai khu ta-ie hai ai. Huni pri y khumichi ly mymychi ai pri tleirei i nai kaimy pangym teang nai neng kha i ka-so, tavai takai molam y paleung mawn y naimy awm u naichi ne. Samrang Koka ly Israela mawichira kun iy tiu ai. Huni mawichi ly neng kra parai naimy khumi angso savai tlang nai meingtym lawm teu i py, vai ly khumi bawibawichi theung i nai hawi iy, tlamsa naimy awm achu nai meingtym ne.

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

Levi 1:13

Ni ly takuta hawi kheuchi tui hawi paju pyn ai nai tla; pathyp pi nai keung ly bom verei maicham salo y leng patlum ai nai tla. Hini talam nai mui kahawi ai ly Areng my kawn pi nai ne.

Levi 1:17

Ni ly tavo pakhi nyhrei ai syn iy taku phokra ai nai tla. Na i py pakhi aleng baw vui ai nai tlo y; naibaly bom verei maicham salo y leng patlum ai nai tla. Hini talam nai mui kahawi ai ly Areng my kawn pi nai ne.

Levi 1:9

Takuta hawi kheuchi ai tui hawi paju pyn ai nai tla; naibaly kalop amsi nai pathyp pi nai keung ly tawnbawi bomverei ai leng patlum ai nai tla. Hini talam nai mui kahawi ai ly Areng my kawn pi nai ne.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

Kati Nai 20:13

Hini ly Meriba meingtym y avum nai saichi ne; Israela chengchi ly Areng ai josei nai hawi, mymy ly kachai ne, nanai nichi teng y amteng hai nai meingtym ne.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 2:15

Kaichi ly paheng dudu naichi hawi tama dudu naichi theung y py Tameuh teng y Krista i mui katui ne;

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.

I PETERA 3:15

na i py nangchi i paleung theung y Krista ai ly Areng y palawn u pathyp. Nangmychi i paleung theung y awm nai athang khai naira satang molam y ami py deng nai ngierei teng y pathang ai nai angvei u rym jojo; ne mang ly leu anui nai hawi, tahm khai nai tarawi y pathang: