Ezekiela 20:1 - Khumi Common Language Bible

¹ Pri palara avum nai saryh saneng, pa-ngo lo, lo si kani horei kani y Israela lu sa nai keung phyreichi ly Areng i kangai deng ai nai kai teng y tym u. Huni khumichi kai i mo y ateh u nai khala,

Ezekiela 20:1 ပူးပေါင်းရင်းမြစ်များ

2 ARENG KEH 3:13

Elisa my Israela samrang teng y, “Ati mana nai y kai ly nang ai sabawm ai mo? Nang i ngamhm, ngampochi ai tau pei reng nai amochi teng y phai chei iy adeng u,” napi. Joram my, “Hina nai thui moh! kaichi samrang leaung thomreichi ai Moba samrang kiu y au nai keung ly Areng my ne lawh veng,” napi.

2 ARENG KEH 6:32

Naibaly Elisa ai patiu ai nai khumi leaungrei pato nai ne. Huna nai thym khala y Elisa ly mymy teng y pavai nai miteaung kehchi hawi vanrei, mymy i yhm y awm. Samrang i pato nai savai tym y kyh rai khala, Elisa my huni miteaung kehchi teng y, “Khumi ai tleh nai keung ly kai ai padei ai nai khumi leaungrei ang pato bo ho! Hunai deaungkho y huni khumi ang tym nai khala y, katheu kho u veng. Ni ai kun ai nai pei u moh; samrang ly ni i nithun mang ang jeu ai,” napi.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 58:2

Nichi ly kai i reita sa patawm bo, nanai hawi, lam kateng sa bo, nanai py thui u iy, kai ai kani tleirei chiu u. Kai i parip nai saichi pany ai nai ngai u. Nichi ly kai ai chiu ai nai ngai u i, kai teng i leu meitang reitachi hnei u bo.

JEREMIA 21:2

“Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

Ezekiela 1:2

(Huni saneng ly samrang Jehoiakhin ai pri pala nai pa-ngo saneng ne.)

Ezekiela 20:2

Areng i leu ai kai ly thai bo.

Ezekiela 24:1

Achi pri pala naira avum nai takawrei saneng, lo horei, lo si kani horei kani y Areng i leu ly kai teng y tym nai ne.

Ezekiela 26:1

Kaichi pri pala naira avum nai saneng holai harei saneng, lo si kani harei kani y Areng i leu pei nai ly kai teng y tym nai ne.

Ezekiela 29:1

Achi pri pala naira avum nai saneng horei, lo horei, lo si kani holai nyhrei kani y Areng i leu ly kai teng y tym bo.

Ezekiela 29:17

Achi pri pala naira avum nai saneng apom phai saryhrei saneng, angchei i lo, lo si kani harei kani y Areng i leu ly kai teng y tym bo.

Ezekiela 30:20

Achi pri pala naira avum nai saneng holai harei saneng angchei lo, lo si kani saryhrei kani y, Areng i leu ly kai teng y tym bo.

Ezekiela 31:1

Achi pri palara avum nai saneng holai harei saneng, pa-thom lo, lo si kani harei kani y Areng i leu ly kai teng y tym.

Ezekiela 32:1

Achi pri palara avum nai saneng holai nyhrei saneng, lo holai nyhrei, lo si kani harei kani y, Areng i leu ly kai teng y tym.

Ezekiela 40:1

Huni kani ly achi pri palara avum nai bo i, saneng apom phai pangrei, saneng kangtha kani horei kani, Jerusalem mary y peang vui nai saneng holai palyhrei neng alyp nai kani ne. Huni kani y kai ly Areng i sa thai naira my khiu nai avum chum baly, mymy ly kai ai hawi jo nai ne.

Ezekiela 8:1

Kaichi pri palara avum nai tariu saneng, tariu lo, pa-ngo kani y Juda cheng luchi ly kai i yhm y ateh u iy, kai hawi leu arum nai thym khala y sa thai naira awm nai Areng i sa thai naira ly vaimy kai i tlang tleaung y tym bo.

Ezekiela 8:11

Hunira y Shaphan i chapo Jaazaniah raurei, Israela cheng lu sa nai leaung vui saryhreichi awm. Nichi ly mui katui leng patlum nai khau ha harei syn u akyhkyh. Mui katuira i maikhyhchi py amhui kalau nai ne.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

LUKA 10:39

Ni ly amnau neampachy leaungrei awm, amyn ly Mari: huni my ly Areng i kheu keung y ateh iy, ni i leu tangai.

LUKA 2:46

Naibaly hina nai ne, kani thomrei khala ly sarachi theung y ateh nai, mychi i leu tangai iy atiti deng nai achura yhm kalen pui y niu hawi.

LUKA 8:35

Naibaly mana lawh mo, nanai khen ai nai chei u hawm i nichi ly Isu teng y tym, naibaly vawinam theu vui nai khumi ly kanih akhiu iy paleung kari awm naimy Isu i kheu keung y ateh nai niu i nichi ly jei u.

AMTAW 22:3

naibaly mymy ly, “Kai ly Juda khumi ne, Kilki pri i Tarsa avang y tapen nai, na i py hini avang achi i amsi sangumchi i Reita kamta kypkyp Kamaliela i kheu keung y amtiu naira y tleaungri ka-veang nai ne, vaini ly nangmychi bawibawi ka-tawm khyp naimy Tameuh i vui y kadawn pathyp nai ne: