Ezekiela 2:4 - Khumi Common Language Bible

⁴ Nichi ly paleung tang iy kai ai tahm khai u y; kai ati cheaungkhang sa thai nai Areng my ati thui pi nai mo, nanai nichi teng y amti pi ai nai nang ai, nichi theung y kang pato ai.

Ezekiela 2:4 ပူးပေါင်းရင်းမြစ်များ

1 ARENG KEH 22:14

Na i py Mikha my, “Kai ly Areng i leu pei nai kamta thui pi ai, nanai Tameuh kang heng i amyn y kathui bo!” napi.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

SAM 95:8

Mymy ly “Meriba meingtym y tym nai nangchi i amsi pajochi kamta, nangchi ly paleung tang u moh; daichi ka-vymra i Massah meingtym y tym nai amsi pajochi kamta, paleung tang u moh.

LEU KACHENG 21:29

Khumi kahawichi ly amymy ai a-ym nai ne. Khumi hawi y naichi ly kahawi amlawn akhikan reng nai ne.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

JEREMIA 1:7

Na i py Areng my, “Nang ly saneng theang ala, nanai thui moh. Kaimy pato nai khumichi teng y nang chei iy, kai i leu pei nai ngiereichi amti pi.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 36:21

Naibaly samrang ly Jehudi ai pato iy cha aeang la hai bo. Jehudi py Elishama takun i, huni cha aeang la iy samrang hawi vanrei, samrang i sahawi y taki teungtareung nai bangtangchi i mo y phain pi nai ne.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 6:15

Nichi ly amso ngai naichi sa teu i py, kaji u sai a? Lymlym kaji u y, kangji meimai py amteng y. Hunai deaungkho y nichi ly khumi takhrachi kamta atlym u ai. Kaimy pajeng nai khala y nichi ly tama nai tym u ai. Hini ly kai Areng. my thui nai leu ne,” napi.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

Ezekiela 3:11

Naibaly pri palara avum nai nang i chengchi teng y chei ba. Nichi ly nang i leu ai tahm khai i py ne sy, tahm khai y i py ne sy, kai, sa thai naira angym nai Areng my leu pei nai thui pi,” napi.

Ezekiela 3:27

Naibaly nang ai kaimy thui hai ali teang ai ngai nai khala y, nang ai leu katheu teang ai nai kang pei ai. Huna nai khala nang ly nichi teng y kai i sa thai naira angym nai Areng my hina nai ang thui pi, nanai amti pi ai nai tla ai. Phyrei khumichi ly nang i leu tangai iy, phyrei khumichi ly tangai y naimy awm u ai. Ati mana nai mo na baly nichi ly tiusi nai khumi cheng ne nai deaungkho y ne.

Ezekiela 3:4

Naibaly Tameuh my, “Nang khumi cho awi, Israela khumichi teng y chei iy kai i leu pei nai ngiereichi thui pi.

Ezekiela 3:7

Na i py mani Israela khumichi ly nang i leu tangai u ai ny y. Nichi ly kai i leu ai malawn py tangai u ai ny y. Nichi bawibawi ly paleung tang iy leu atangai y nai khumichi ne.

AMOS 7:15

Na i py Areng my kai ai beram typ naira i nai palau i, mymy i khumi Israelachi teng y chei iy, amo leu thui pi ai nai pato nai ne.

ZEKHARIAH 7:12

Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai Areng ly khri pa-rei kado theu nai ne.

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 31:27

Nichi ly paleung tang iy tiusi, nanai kai pany. Nichi ly kai dei y rai khala my Areng ai tiu u i, kai dei nai bo khala ipsaly, huni tleaung y tiu u ra ai.