Ezekiela 19:1 - Khumi Common Language Bible

¹ Israela samrang i chapo leaung nyhrei i vui vo tangam nai khulym ly anui mang i kamta thui ai nai Areng my kai ai leu pei nai ne.

Ezekiela 19:1 ပူးပေါင်းရင်းမြစ်များ

2 ARENG KEH 23:34

Samrang Neko ly Joseah i chapo Eliakim ai Jehojakim, nanai amyn kangtha pei iy Juda pri i samrang y palyn bo. Joaha ai ly samrang Neko my Aikupta pri y hawi jo i, ni ly hu y dei nai ne.

2 ARENG KEH 24:12

Samrang Jehojakhin ly my i amhm, chapochi, tavai luchi, samrang yhm miteaung kehchi hawi vanrei, Babulon tavaimichi teng y tamawi aseih bo. Nebukhadnezar ly my i peang nai saneng tajarei awm nai khala y, Jehojakhin ai langheng hawi i,

2 ARENG KEH 24:6

Jehojakim dei nai khala, ni i chapo Jehojakhin ly samrang lawm bo.

2 NENG SATANG 35:25

Amo Jeremia ly samrang Josia molam y vo khulym harei tajiu iy, khulym kawp nai neampacho, neampachychi my, Josia dei nai i vui y paleung si nai ka-ma-ra, hini khulym thui u. Hina nai khulym thui nai ly Israela chengchi i reita lawm i, huni vo khulym ly vo khulym cha-iu pui theung y abawi nai ne.

2 NENG SATANG 36:10

Kanipui theu nai khala y samrang Nebukhadnezar ly Jehojakhin ai patiu iy Babulon pri y hawi vui bo. Samrang yhm i yhmtheaung katuichi py la pi pawn nai ne. Naibaly Nebukhadnezar ly Jehojakhin i ampochy Zedekiah ai Juda samrang y palyn i, Jerusalem mary y peang hai bo.

2 NENG SATANG 36:3

Aikupta samrang Niko ly ni ai patiu vui iy, Juda mipuichi teng i langseaung tangka chang kaji sie 5,200 rei hawi muku chang kaji sie 50 rei hnei.

2 NENG SATANG 36:6

Babulon samrang Nebukhadnezar ly Juda pri theung y kun i, Jehojakim ai patiu iy, sengkry hawi pakheng naimy Babulon pri mang y hawi jo nai ne.

JEREMIA 22:28

Jeremia my, “Samrang Jehojakhin ly ami py aly ngai y iy aphi su nai chy-y ka-kawi kamta lawm lawh bo a? Naibaly ni hawi ni i cho chanauchi ly mychi pany vai y nai pri y, pri pala vui nai bo a?

JEREMIA 22:30

“Hini khumi ly cho chanau so y ai nai pajeng naira avum bo. Ni ly mana khala py eaung naira ngo y nai khumi lawm ai. Samrang Davida y amtym ai nai hawi Juda pri y peang ai nai katu chanauchi ngo y ai. Hini ly kai, Areng i thui nai leu ne,” napi.

JEREMIA 24:1

Areng ly Achura yhm mo y panui nai thaidu athai teaung nyhrei kai ai patei nai ne. (Huni neng ly Babulon samrang Nebukhadnezar ly Jehojakim i chapo Juda samrang Jehojakhin ai Juda miteaung kehchi, Kupe kakawpchi, kalopra y kawp keh nai khumichi hawi vanrei, Jerusalem mary i dengdairei Babulon pri y langheng hawi nai bo i neng ne.)

JEREMIA 24:8

Juda samrang Zedekiah, ni i aheaung apai bangtangchi hawi, hini pri y awm jo nai, ti y baly Aikupta pri y ang pyn nai Jerusalem mary i khumichi ai ly kai, Areng my cha ai nai ngo y na pa-rei veaung nai thaidu athaichi kamta kapalawn ai.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

TANGAM NAI LEU 5:12

Paleung ka-echi ly kaichi i luchi ai patiu iy, akaeura y bang u bo; nichi ly miteaungchi ai py, tahm khai u y.

Ezekiela 19:14

Huni keung i keungma y mai my kang nai deaungkho y, changpi hawi athaichi py kang teang. Huni keung i changpichi ly mana khala py tangkhryh teang y leang bo. Mana khala py areng cheaungvawi lawm ai ny y leang bo. Hini ly vo tangam nai khulym ne; huni vo tangam nai khulym ai avaw avawrei thui u ai nai tla.

Ezekiela 19:2

Ngamhm ly khrangsinu atawm khyp! Ni ly chengthli nai khrangsi kataichi theung y mymy i chochi ai len pa-rei pacho iy kry bo.

Ezekiela 2:10

Huni kiu ly cha aeang lam nai khala, phei nyhreira y cha mawi awm mei nai kaniu. Huni cha aeang phei nyhreira y, paleung si vo tangam nai chachi abawi nai ne.

Ezekiela 26:17

Huna nai y nichi ly nang ai vo hai nai khulym thui u nai ly amthang parai nai mary ly phra veng lawh bo ly! Pangli sahawi y awm nai marychi ly taphra naira avum lawh bo. Hini mary i khumichi ly panglichi ai peang nai ne. Pangli peang y awm nai khumichi ai py jei hyn hai bo.

Ezekiela 27:2

“Nang khumicho awi, Turu mary i vui y vo khulym thui hai ba.

Ezekiela 27:32

Nichi ly vo tangam naimy nang i molam y vo khulym thui nai ly: ‘Vai ly pangli theung y chau jyhp nai Turu mary hawi mani mary pata pajau ai mo?

Ezekiela 28:12

Mymy ly “Nang khumicho awi, Turu samrang i avum ai nai khym taham i vui y paleung si ba. Sa thai naira angym nai kai, Areng my ati leu pei mo, nanai thui pi ai nai ly nang ly vaichi khala cheh ai nai by y na pa-rei hawi angym nai sai pata ai ataing nai ne. Nang ly khri pa-rei cheng iy mo-cha hawi parai nai ne na a!

Ezekiela 32:16

Hina nai kaimy hawihai palai thui pi kheng nai leuchi ly vo sai lawm ai. Neampachychi ly Aikupta pri hawi huni pri khumi bawibawichi i vui vo hai iy, huni vo sai hawi vo hai ai. Hini ly sa thai naira angym nai kai, Areng i pei nai leu ne,” napi.

Ezekiela 32:18

Mymy ly “Nang khumicho awi, Aikupta pri khumi neangneangchi i vui y vo tangam hai ba. Nichi ai sa thai naira awm nai cheng takhra khumichi i chaniu anglochi hawi vanrei tavau pri y pato ba.

Ezekiela 32:2

Mymy ly “Nang khumicho awi, Aikupta samrang teng y hawihai palai pany hai ai nai ly: nang ly khumi cheng cheaungkhangchi tlang tleaung y khrangsi kamta sa teu i py, tavo theung y tui taby iy panu hai nai satam hawi atawm keh. Nang i kheu hawi tavo tui panuta hai ai nai lilu piu bo.

AMOS 5:1

Aw Israela khumichi awi, nangchi ai veu pavum ai nai, kai i thui nai hini vo khulym tangai u.