Ezekiela 18:7 - Khumi Common Language Bible

⁷ Ni ly li-tapawp y, ami i yhmtheaung py lawm y. Ka-peaung vawnsai py paku teang. Kajeu alam naichi ai pacho iy ateaung by y nai khumichi ai ateaungchi pei pi.

Ezekiela 18:7 ပူးပေါင်းရင်းမြစ်များ

NEHEMIA 5:10

Kai ly mipuichi teng y choh hawi tangka alai pi bo. Kai i ahawichi hawi kalop sa nai keungchi py, hina nai kamta so u. Vai, achi ly huni kalaichi hnei ali y naimy awm sina.

JOBA 22:6

Nang ly nangmy i amjo amnau teng i, nga ai awm nai kalai molam y, ni i baichu leng vui iy, ni ai tlang ka-keu awm hai bo.

JOBA 24:3

Nuro nukai chochi i keaungngo kano kasauchi paviu iy, lumai cheaungti i si ai, ka-peaung talam reng nai ne.

JOBA 24:9

Khumi hawi y naichi ly nuro nukai chochi ai, miseaung palawn u bo. Kalai pe pajau y nai khumi kamawnchi i, cho chanauchi la pi pawn.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

THEU NAI 22:25

“Nangchi ly kai i khumichi theung i mawn keh nai khumichi ai tangka alai ai nai pei baly, tangka paseng nai keung kamta ly ty cho moh.

THEU NAI 22:26

Nang teng y khumi leaungrei ly ka-ym sa nai kanih khai baly, nang ly kani dym hai y naimy ni teng y pei pi teang ai nai tla.

THEU NAI 23:9

“Nangchi ly Aikupta pri y angvyn kamta awm u reng nai deaungkho y, angvyn i ka-dawn pany iy nangchi i pri y angvyn lawm nai cheng takhrachi ai ano moh.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 28:27

Khumi kamawnchi ai pei talam nai khumi ly kamawn acheang ai ny y. Khumi kamawnchi ai dawn hai y nai khumi ly khumichi my pasawi nai avum ai.

LEU KACHENG 28:8

Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

LEU KACHENG 3:31

Khrukhra hai reng nai khumichi i tlang tleaung y, paleung angai y nai awm reng moh. Nichi i sa nai kamta sa ai nai paleung ka-dawn awm moh.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

ISAIA 33:15

Nangchi ly leu kateng thui katheu u ai nabaly, dei y naimy awm pajau nai ne. Khumi kamawnchi ai li-tapawp ai nai, nangchi i sa thai naira teaung u moh. Un langseaungchi py talam u moh. Khumi ai padei ai nai, takhra hawi y naichi sa ai nai ka-dawn awm naichi hawi amkawm u moh.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

Ezekiela 16:49

Ni hawi ni i chaniuchi ly paleung len naimy kajeu kawi ala nai, ami ai py tahm khai y iy khumi kamawnchi hawi avaw nai khumichi ai sabawm u y.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 18:16

amichi ai py ana nai hawi ami i yhmtheaung ai py kamjau kamteang lawm y; ni ly ka-peaung vawnsaichi py talam y; kajeu alam naichi ai pacho iy ateaung by y nai khumichi ai ateaungchi pei pi.

Ezekiela 18:18

Ni i ampo ly li-tapawp iy ami i yhmtheaung ai kamjau kamteang lawm naimy khumichi tlang tleaung y hawi y naira sa aninau nai deaungkho y, amy i kamngo molam y dei nai ne.

Ezekiela 33:15

leu kabeaung y ka-peaung talam nai vawnsai, um paviu nai vawnsaichi pei ali teang i, kamngo sa nai anawn vui iy heng nai reitachi tangai lawh baly, ni ly dei y naimy heng ai.

Ezekiela 7:23

Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

Levi 25:14

Huna khala naini nangchi ly amy cheng tengtawi khaileaung ka-jo ka-van sa nai khala, vang ka-ti apani ai nai tla.

AMOS 2:6

Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.

AMOS 2:8

Chiu naira meingtym tleirei y khumi kamawnchi teng i kalai atheu nai kanihchi bai iy, i u nai ne. Nichi ly kalai awm nai khumichi teng i kalai atheu nai kreip hang ai, mychi i chiu nai Tameuh i achura yhm y nei u bo.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

AMOS 6:3

Hawi y nai neng kani ang tym ai bo, nanai nangchi ym u y; nangchi i sa nai sai ly huni neng kani tym hai ai nai kasa bo.

MIKHA 2:1

Ira tleaung y aseaung iy hawi y sa ai nai dawn nai khumichi ly taham si. Khawn khutawi nai khala, nichi ly sa ai nai lam nga phai nga baly, mymychi i hawi y nai ka-dawn sa u reng nai ne.

MIKHA 3:2

hawi nai kalop ai niu ngai y iy, hawi y nai kalop ai ly khrei u. Nangchi ly kai i khumichi ai kangheng tang my peih lei iy, hiura i bawichi tli u bo.

ZEPHANIAH 1:9

Myn y chiu nai khumichi kamta sa naichi ai py, mychi i yhmkeung yhmy lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

LUKA 3:11

Mymy ly nichi teng y, “Ami py baichu nyhrei awm nai ly by y nai khumi teng y pei sy; ami py cha ai nai awm nai ly huna nai kamta so teang sy,” nanai pathang.

Leu Thui Nai 24:17

“Nangchi ly cheng takhra khumichi hawi nurochochi i nga ai avo nai ly pei pi ai nai tla. Naibaly lumai nu i baichu ateaungchi ka-peaung vawn palawn iy talam pi moh.