Ezekiela 18:30 - Khumi Common Language Bible

³⁰ “Aw Israela chengchi awi, sa thai naira angym nai kai Areng ly vai, nangchi leaung leaungrei ai, nangmychi i hawi y sa nai leaungsai molam y tara chih ai, nanai thui u bo. Nangchi ly hawi y sa nai bawibawira i nai hi u vui; kamngo my ly nangchi ai taphra moh sy.

Ezekiela 18:30 ပူးပေါင်းရင်းမြစ်များ

EZARA 10:11

Huna nai y nangchi i amsi pajochi i Areng Tameuh teng y nangmychi i kamngo ahui iy, mymy i kangai su u. Achi i pri theung y nangchi hawi vanrei awm nai cheng takhra khumichi hawi, nangchi i cheng takhra ajuchi hawi py amprei u,” nanai aeu naimy thui pi.

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

Parip nai leu 3:17

Kai ly kaimy ai, “Tameuh ly khumi kahawi hawi khumi hawi y naichi ai py vanrei tara chih ai. Ati mana nai mo nabaly cheaungkhang ly mymychi i neng khai pi nai deaungkho y ne, nanai ka-dawn pasym nai ne.

ISAIA 21:12

Kaimy py, “Khutawi mo tym ai bo. Na i py dym tengsa tym ali teang ai. Nang deng bi ai nai ngai lawh baly, jeu bi iy deng ba,” nanai pathang pi.

ISAIA 59:20

Areng ly mymy i khumichi teng y, “Kai ly kamngochira i uikheih nai Israela cheng bawibawichi ai atleu ai nai, Jerusalem mary y kangjeu ai.

JEREMIA 25:5

Nangchi ly nangmychi hawi amsi pajochi teng y, Areng my pei nai pri y deung ka-kan awm u ai nai, huni amochi ly nangchi i heng nai leaungsai hawi, sa nai sai hawi y naichi ai, hi vui ai nai ang thui pi nai ne.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 7:3

Israela chengchi i Tameuh napi nai, ati cheaungkhang sa thai nai keung Areng my, “Kai ly nangchi ai hini meingtym y awm u veangveang ai nai, nangchi ly nangmychi i awm nai sai hawi amhi amtlau nai saichi takhra hai u.

Ezekiela 14:6

“Huna nai y Israela chengchi teng y thui pi; sa thai naira angym nai kai, Areng my leu pei nai ly uikheih u. Amso ngai hawi nai nangchi i sa naichi ai nyn va vui ly mynchi py khai su.

Ezekiela 18:21

“Khumi hawi y nai ly kamngo sa nai anawn iy, kai i Reitachi sa patawm bo; kateng kahawi py sa bo. Huni khumi ly dei ai ny y, ni ly heng takengkei ai.

Ezekiela 18:29

Israela chengchi awi, nangchi my, ‘Areng i sa nai ly teng y,’ nanai nangchi athang khai u a? teng y naira ly nangmychi i sa naichi teu.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 33:20

Na i py nangchi Israela chengchi awi, nangchi my kai i sa nai ly teng y, nanai thui u bo. Kai ly nangchi i sa nai molam y nangchi ai tara chih ai,” napi.

Ezekiela 33:9

Nang ly khumi hawi y nai ai parip teu i py, ni ly kamngo sa veangveang iy kamngo deaungkho y dei lawh baly, nang ly deira i nai tleaung ai,” napi.

Ezekiela 34:20

Hunai deaungkho y sa thai naira angym nai kai, Areng my nangchi teng y leu kang pei nai ly kai ly nangchi beram veung kahawichi hawi veung kajeichi theung y tara kangchih ai.

Ezekiela 36:19

Nichi i sa nai hawi amhi amtlau nai molam y nichi ai pajeng iy, pri tleirei y amprei phro i, pri takhrachira y ahei hai bo.

Ezekiela 43:9

Vai ly nichi kamleaung sa nai hawi, tameuh takhrachi ai chiu nai anawn iy samrangchi i veu py patheu u pawn ai nai tla. Huna nai kamta sa u lawh baly kai ly nichi teng y deungtasarei awm jojo ai,” napi.

Ezekiela 7:27

Samrang ly vo tangam naimy awm ai; samrang i chapo py athang khai naira awm ai ny y; khumi mipuichi ly jei hyn naimy awm u ai. Kai ly nangchi ai nangmychi i sa naichi deaungkho y pajeng ai. Nangchi ly khumi takhra ai tara chih u nai kamta, nangchi ai kaimy tara kangchih ai. Hina nai hawi my kai ly Areng ne, nanai nangchi pany u ai,” napi.

Ezekiela 7:3

Aw Israela pri awi, nang i phra ai nai neng tym bo. Nang i sa naichi molam y kai ly nang ai tara kang chih bo i, nang ly kai i kado theu naira avum ai. Nangmy i sa nai amso ngai naichi vawilai ly nang ai vawitheung kang tha ai.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 25:32

naibaly mymy i mo y ly cheng cheaungkhangchi achu ai; naibaly typ nai keung ly mi-ichi theung i nai beramchi ai khawi takhra nai kamta, nichi ai ly khawi takhra ai;

MATTHAI 3:2

“Uikhei u, kani pri my peang nai ly kasa bo,” napi.

MATTHAI 3:8

Hunaibaly uikhei nai amyn ataing ai nai athai u: ‘Abraham ly kaichi i amsi sangum na a,’

LUKA 13:3

Ny y leang, kang thui pi, nangchi py ukhei y baly hunai kamta tama be ai.

LUKA 13:5

Ny y leang, kang thui pi, nangchi py uikhei y baly hunai kamta tama be ai,” nanai pathang.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

JAKOB 1:15

Naibaly ngai phi teng y naira ly pawm i kamngo tapen: naibaly kamngo ly cheang iy dei naira tapen bi.

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;

AMTENG HAI NAI 2:16

Hunai deaungkho y uikhei jau; ti y naimy kang jeu praw ai i, kai i labeaung i haisau hawi nichi ai katiu ai.

AMTENG HAI NAI 2:5

Hunai deaungkho y nang i atlym naira adawn vau ly, uikhei iy atiti sa man naichi ly so teang; ti y naimy nang ly uikhei y baly kai kang jeu ai i, nang i masi khai naira ai ly ni i meingtym i dengdairei katasyh vui ai.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.

AMTENG HAI NAI 22:12

Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.