Ezekiela 18:23 - Khumi Common Language Bible

²³ Kai ly khumi hawi y naichi dei nai niu nai khala y, kai ly kawnleaung ai nai athang khai u a?, nanai sa thai naira angym nai Areng my deng bo. Mymy ly huni khumi uikheih iy heng naini niu ai nai ngai keh.

Ezekiela 18:23 ပူးပေါင်းရင်းမြစ်များ

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

I TIMOTHEI 2:4

khumi bawibawichi ly paheng naira nga ai nai hawi, leu meitang angym pa-rei pany ai nai py ang ngai.

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

Ezekiela 18:32

Kai ly ami ai py dei ai nai ngai hai y; kamngo sa nai anawn iy heng u,” napi.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

LUKA 15:10

Kang thui pi, khumi kamngo leaungrei uikhei nai ai Tameuh i kani pri mang i amtaw thau naichi my kawn.

SAM 147:11

Na i py mymy ai jei naimy tahm khai naichi, khaw parai nai tamen naira ai ym nai khumichi ai aly ngai nai ne.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

TANGAM NAI LEU 3:33

Mymy ly achi ai paleung si vo tangam hai iy patang hai teu i py, paleung ka-dawn hawi hai y.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

2 SAMUELA 14:14

Achi bawibawi ly dei ai nai khumichi ne. Achi ly khaileaung y beu nai tui hawi atawm. Huni tui ai vei teang ai nai ngo y leang bo. Tameuh malawn py, dei nai khumi ai heng hai teang y leang. Na i py samrang ly pri palacho leaungrei ai, palau teang pajau nai ne.