Ezekiela 17:20 - Khumi Common Language Bible

²⁰ Kai ly musy i mawipy hawi ni ai kapatiu iy Babulon mary y hawi iy hu y ni ai kapajeng ai. Ati mana nai mo na baly ni ly kai i tlang tleaung y ka-ym by y nai deaungkho y ne.

Ezekiela 17:20 ပူးပေါင်းရင်းမြစ်များ

2 SAMUELA 18:9

Abasalom ly Davida i khumi phyreichi hawi, vaimy avum bo. Ni ly keaungngo kano kasau atang iy, ngopraibiu keung pui anui y kun i, ni i kaneaung ly dengkeaung changpichi ra y atakei thleng bo. Keaungngo kano kasau ly ampreng veangveang nai deaungkho y, Abasalom ly ali theung y abang leaunglang naimy amjo bo.

2 NENG SATANG 33:11

Hunai deaungkho y Areng ly Asuria tavaimi kamkawm hawi tavai luchi ai, Juda pri y kun ai nai pei bo. Nichi ly Manase ai patiu i tamo leangkhawn hawi ve iy, sengkry hawi pakheng naimy Babulon mary mang y hawi jo nai ne.

JOBA 10:16

Kai, nang chawn nai khala, nang ly khrangsi kamta, kai ai preng iy patiu. Kai i tlang tleaung y no nga hai ai nai, rengrang nairachi malawn py sa.

Parip nai leu 9:12

Nang i vui neng kamki ly nangmy pany khyp pajau y leang; deaung y man nai tavochi kamta mo, paleupy y man nai ngochi kamta mo, achi ly taham si nai neng khala ly pany y naimy deaung y man reng nai ne.

JEREMIA 2:35

“Na i py, ‘Kai teng y kamngo by y, Areng ly meitang khyp, kai i tlang tleaung y kado theu hai y leang bo,’ nanai thui ai nai ngai. Na i py nang ly nangmy teng y kamngo by y, nanai akhi nai deaungkho y kai ly nang ai kamngo pajeng ai.

JEREMIA 2:9

“Hunai deaungkho y kai ly nangchi ai tara kang chih bi ai. Nangchi i katu chanauchi ai py tara pasau ai,” nanai Areng my leu pei bo.

JEREMIA 34:21

Juda samrang Zedekiah hawi my i bangtangchi ai py, nichi ai padei u ai ngai nai paleung ka-echi teng y kaau teang ai. Kai ly vai, nangchi ai tavai tiu anawn nai Babulon tavaimichi kiu y au ai.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

JEREMIA 50:44

“Kai Areng ly Jordan tavo jeungrei ra y awm nai daichi kabeng theung i dengdairei, heng-a nai acha bai mang y theu piu nai khrangsi kamta, theu iy Babulon khumichi ai mymychi mary i nai, vaimy kaparyh ai. Huni bo baly kai ly huni pri y peang ai nai samrang leaungrei vawi takhra pi ai. Kai ai ami hawi pata pajau ai mo? Mani samrang ly kai ai awi pajau ai mo?

TANGAM NAI LEU 1:13

“Mymy ly salo mang dengdairei mai pato i, huni mai ly kai i tlang tleaung y angveaung nai ne. Mymy ly kai ai deaung pateung iy patiu i, khaileaung y patlym. Naibaly ang khai su iy kani khengrei, patang naira avum hai bo.”

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

Ezekiela 12:13

Na i py kai ly py kajang iy huni py ra man hai i, Babulon mary mang y kahawi vui ai. Ni ly huni mary ai niu y naimy, huni mary y dei ai.

Ezekiela 15:8

Nichi ly kai i tlang tleaung y ka-ym by y nai deaungkho y, kai ly nichi i pri y khumi angso savai tlang hai ai,” napi. Hini ly sa thai naira angym nai Aeng i thui nai leu ne.

Ezekiela 17:19

Sa thai naira angym nai Areng my, “Kai ly Tameuh kangheng ne; ni ly kai i amyn y sa nai vaineng tahm khai y iy, leu sumneang akhai nai ai taphra nai deaungkho y, ni i tlang tleaung y kapajeng ai.

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

Ezekiela 32:3

Khumi cheng cheaungkhangchi awm achu nai khala, kai ly nang ai paleupy hawi mym iy patiu nai kacheng y ryh hai ai.

Ezekiela 38:22

Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

HOSEA 2:2

Kai i cho chanauchi awi, nangchi i amhm teng y takeng u. Ni ly kai i aju ny y leang bo. Kai py ni i juvo ny y leang bo. Na i py bima hawi kamleaung sa nai kalopchi anawn vui ai nai, nangchi i amhm teng y takeng u.

HOSEA 7:12

Na i py kasabawmra hnei ai nai chei u nai thym khala tavochi ai, py hawi patiu nai kamta, kai ly nichi ai patiu ai. Nichi i kamngo molam y, kai ly nichi ai pajeng ai.

MIKHA 6:2

Khaileaung y khaw hai nai sangum langdeng mawichi awi, Areng i leu pei nai tangai u! Areng ly mymy i khumichi teng y thui tamawn ai nai awm nai ne. Mymy ly Israela chengchi ai thui tamawn ai nai leu ka-rum awm.

LUKA 21:35

Hunai kamta khyp khaileaung tleaung i awm nai bawibawichi teng y ly tym ai.