Ezekiela 16:8 - Khumi Common Language Bible

⁸ “Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

Ezekiela 16:8 ပူးပေါင်းရင်းမြစ်များ

ATITI AWM ANGCHEI NAI 22:16

“Kai, Areng my leu kang pei; kai ly nang ai khri pa-rei amtheaung hai ai. Nang ly kaimy kang pei nai chapo leaungrei awm khyh nai ai malawn py, kai teng y talam ai nai pasai y nai deaungkho y,

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

THEU NAI 32:13

Nang i miseaung Abraham, Isaka hawi Jakobchi ai pany pi jo kyh; nang ly nichi i kangpreangchi ai kani mang i ka-sichi kamta peung hai ai, nanai hawi, nangmy adeu hai typ nai huni pri bawibawi ly nichi i kangpreangchi amtym jojo ai nai, nanai pany pi ba,” nanai ahui pi bo.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:4

Nangchi ly kai i vui khri pa-rei vang teng nai khumichi ne i, kaimy tamen iy tahm kapasang naichi ne nai deaungkho y, kai ly nangchi ai atleu ai nai, khumi chengchi ai khai su ai.

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

JEREMIA 31:32

Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

Ezekiela 16:6

“Naibaly kai ly nang i sahawi mang aleaung nai khala, thinai theung y nang atapi nai kaniu bo. Nang ly thinai angtlen tlawnhawn iy py, kai ly nang ai dei hai y.

HOSEA 11:1

Areng my, “Israela deaungdi nai thym khala y, kai ly ni ai tamen iy kai ly ni ai chapo palawn i, Aikupta pri i nai pahawi nai ne.

HOSEA 2:15

Ni i kreip akhochi py hawi hai teang iy, Akhaw, napi nai kamtang leaung hawi ai, athang khai naira katheu lawm hai ai. Ni ly saneng theang nai neng, Aikupta pri i dengdairei theu nai khala i kamta, kai ai tamen ali teang ai.

HOSEA 2:7

Ni ly tavawichi nithun hui teu i py, kai ai ny y, hau i py niu ai ny y. Huna nai khala ni my, “Kai ly juvo kangngym teng y vawi ali teang ai. Kai ly juvo kangtha hawi ateaung ahawi nai tleaung y, juvo kangngym hawi ateaung ahawi nai ly hawi keh alam ai,” nanai thui ai.

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

Leu Thui Nai 4:31

Areng ly pahen parai nai Tameuh ne. Mymy ly nangchi ai khai su y ai i, tama py tama hai vui ai ny y. Mymy ly nangchi i amsi pajochi hawi asa nai Leu Maikawm ai py tami pi ai ny y.

RUTHI 3:9

“Nang ly ami mo?” nanai deng. Ruthi my, “Kai ly Ruthi ne areng awi, ati mana nai mo nabaly nang ly kai hawi amtawn abi nai ne i, nang my kai ai kry ai nai ne. Hunai deaungkho y pahen parai naimy kai ai lo ba,” napi.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.